Politics ನಲ್ಲಿ ನೂಬ್‌ ಯಾರು ಎಂದ ಪ್ರಧಾನಿ ನರೇಂದ್ರ ಮೋದಿ

Team Udayavani, Apr 14, 2024, 1:22 AM IST

ಹೊಸದಿಲ್ಲಿ: ದೇಶದ ಪ್ರಖ್ಯಾತ ಗೇಮರ್ಗಳ ಜತೆಗೆ ಸಂವಾದ ನಡೆಸಿರುವ ಪ್ರಧಾನಿ ನರೇಂದ್ರ ಮೋದಿಯವರು, ಗೇಮರ್ ಭಾಷೆಯಲ್ಲೇ ವಿಪಕ್ಷಗಳ ನಾಯಕರನ್ನು “ನೂಬ್‌’ಗಳೆಂದು ಪರೋಕ್ಷವಾಗಿ ವ್ಯಂಗ್ಯ ಮಾಡಿದ್ದಾರೆ.
ಇತ್ತೀಚೆಗಷ್ಟೇ ಗೇಮಿಂಗ್‌ ಕ್ಷೇತ್ರದ ಬೆಳವಣಿಗೆ ಮತ್ತು ಅದರಲ್ಲಿನ ಸಮಸ್ಯೆಗಳ ಕುರಿತಂತೆ ಕೆಲವು ಪ್ರಖ್ಯಾತ ಗೇಮರ್‌ಗಳೊಂದಿಗೆ ಮೋದಿ ಸಂವಾದ ನಡೆಸಿದ್ದರು.

ಆ ಕುರಿತ ವೀಡಿಯೋವನ್ನು ಶನಿವಾರ ಜಾಲತಾಣಗಳಲ್ಲೂ ಹಂಚಿಕೊಂಡಿದ್ದಾರೆ. ಅದರಲ್ಲಿ “ಗೇಮರ್ಗಳು ಬಳಸುವ “ನೂಬ್‌’ ಪದವನ್ನು ನಾನೇನಾದಾರೂ ಚುನಾವಣೆಗಳಲ್ಲಿ ಬಳಸಿದರೆ ಜನರಿಗೆ ನಾನು ಯಾರ ಬಗ್ಗೆ ಹೇಳುತ್ತಿದ್ದೇನೆ ಎಂದು ಅಚ್ಚರಿಯಾಗಬಹುದು! ಆದರೆ ನಿಮಗೆ ನಾನು ಹೇಳಿದ ಕೂಡಲೇ ಖಚಿತವಾಗಿ ನಾನು ಹೇಳುತ್ತಿರುವ ವ್ಯಕ್ತಿಯ ಬಗ್ಗೆ ತಿಳಿಯಲಿದೆ’ ಎಂದಿದ್ದಾರೆ.

ಸಾಮಾನ್ಯವಾಗಿ ಗೇಮರ್ಗಳು ಆಟವಾಡಲು ಬಾರದ ಪ್ಲೇಯರ್‌ಗಳನ್ನು ಅಥವಾ ಹೊಸದಾಗಿ ಗೇಮಿಂಗ್‌ಗೆ ಬಂದವರನ್ನು “ನೂಬ್‌’ ಗಳೆಂದು ಸಂಬೋಧಿಸುತ್ತಾರೆ.

Had a wonderful interaction with youngsters from the gaming community… You would love to watch this! https://t.co/TdfdRWNG8q

— Narendra Modi (@narendramodi) April 13, 2024