Nalanda university; ಇಂದು ಪ್ರಧಾನಿಯಿಂದ ನಳಂದಾ ವಿವಿ ಉದ್ಘಾಟನೆ

Team Udayavani, Jun 19, 2024, 6:26 AM IST

ಹೊಸದಿಲ್ಲಿ: ಪ್ರಾಚೀನ ಕಾಲದ ಪ್ರಸಿದ್ಧ ವಿದ್ಯಾಕೇಂದ್ರವಾಗಿದ್ದ ನಳಂದಾ ವಿಶ್ವ ವಿದ್ಯಾನಿಲಯಕ್ಕೆ ಈಗ ಮತ್ತೆ ಜೀವ ಬಂದಿದೆ. ಪ್ರಧಾನಿ ನರೇಂದ್ರ ಮೋದಿ ಬುಧವಾರ ಬಿಹಾರದ ರಾಜ ಗೀರ್‌ನಲ್ಲಿ ನಳಂದಾ ವಿವಿಯ ನೂತನ ಕ್ಯಾಂಪಸ್‌ ಉದ್ಘಾಟಿಸಲಿದ್ದಾರೆ. 2010ರಲ್ಲಿ ಸ್ಥಾಪನೆ ಗೊಂಡ ಈ ವಿವಿ ಹೊಸ ರೂಪ ಪಡೆದು ಕೊಂಡಿದೆ. ಸಮಾರಂಭದಲ್ಲಿ ವಿದೇ ಶಾಂಗ ಸಚಿವ ಎಸ್‌. ಜೈಶಂಕರ್‌ ಜತೆಗೆ ಆಸ್ಟ್ರೇಲಿಯಾ ಸೇರಿ 17 ದೇಶಗಳ ರಾಯಭಾರಿಗಳು ಭಾಗಿಯಾಗಲಿದ್ದಾರೆ.

ನೂತನ ವಿವಿ ವಿಶೇಷತೆಗಳು: 1890 ಆಸನಗಳ 40 ಕೊಠಡಿಗಳು, 2 ಆಡಳಿತ ಕಟ್ಟಡ, 300 ಆಸನಗಳ 2 ಸಭಾಂಗಣ, 550 ವಿದ್ಯಾರ್ಥಿಗಳ ಸಾಮರ್ಥ್ಯದ ನಿಲಯ, 197 ಸಿಬಂದಿಗೆ ವಸತಿಗೃಹ, ಅತಿಥಿ ಗೃಹ, ಅಂತಾರಾಷ್ಟ್ರೀಯ ಕೇಂದ್ರ, ಭೋಜನಶಾಲೆ, ದೊಡ್ಡ ಹೊರಾಂಗಣ ಕ್ರೀಡಾ, ವೈದ್ಯಕೀಯ, ವಾಣಿಜ್ಯ ಕೇಂದ್ರ ಕ್ಯಾಂಪಸ್‌ನಲ್ಲಿವೆ. ಸೆಪ್ಟಂಬರ್‌ ವೇಳೆಗೆ 3 ಸಾವಿರ ಪುಸ್ತಕಗಳಿರುವ ಗ್ರಂಥಾಲಯ ನಿರ್ಮಾಣವಾಗಲಿದೆ.

ಪರಿಸರ ಸ್ನೇಹಿ ಕ್ಯಾಂಪಸ್‌: 6.5 ಮೆಗಾವ್ಯಾಟ್‌ ವಿದ್ಯುತ್‌ ಪೂರೈಸುವ ಸೋಲಾರ್‌ ಘಟಕ, 500 ಕೆಎಲ್‌ಡಿಯ ಕುಡಿಯುವ ನೀರಿನ ಘಟಕ, 400 ಕೆಎಲ್‌ಡಿಯ ನೀರು ಶುದ್ಧೀಕರಣ ಘಟಕ, ನೂತನ ಕ್ಯಾಂಪಸ್‌ನಲ್ಲಿವೆ.