ಅಶ್ಲೀಲ ಹಾಡು : ಹನಿ ಸಿಂಗ್‌ ವಿರುದ್ದ ಕಾನೂನು ಕ್ರಮಕ್ಕೆ ಮಹಿಳಾ ಆಯೋಗದ ಆಗ್ರಹ

Team Udayavani, Jul 3, 2019, 11:38 AM IST

ಚಂಡೀಗಢ : ಖ್ಯಾತ ಗಾಯಕ ಯೋ ಯೋ ಹನಿ ಸಿಂಗ್‌ ಅವರು ಈಚಿನ ತಮ್ಮ ಮಾಖ್‌ನಾ ಹಾಡಿನಲ್ಲಿ ಮಹಿಳೆಯರ ವಿರುದ್ಧ ಅತ್ಯಂತ ಕೀಳು ಮಟ್ಟದ ಸಾಹಿತ್ಯವನ್ನು ಬಳಸಿರುವುದರಿಂದ ಅವರ ವಿರುದ್ಧ ಕ್ರಮ ತೆಗೆದುಕೊಳ್ಳಬೇಕು ಎಂದು ಪಂಜಾಬ್‌ ರಾಜ್ಯ ಮಹಿಳಾ ಆಯೋಗ ಆಗ್ರಹಿಸಿದೆ.

ಹನಿ ಸಿಂಗ್‌ ವಿರುದ್ದ ಸ್ವಪ್ರೇರಣೆಯ ಕ್ರಮಕ್ಕೆ ಮುಂದಾಗಿರುವ ಮಹಿಳಾ ಆಯೋಗದ ಅಧ್ಯಕ್ಷೆ ಮನೀಶಾ ಗುಲಾಟಿ ಅವರು ರಾಜ್ಯ ಗೃಹ ಕಾರ್ಯದರ್ಶಿ, ಪಂಜಾಬ್‌ ಪೊಲೀಸ್‌ ಮಹಾ ನಿರ್ದೇಶಕ ಮತ್ತು ಐಜಿಪಿ (ಕ್ರೈಮ್‌) ಅವರಿಗೆ ಪತ್ರ ಬರೆದು ಯೋ ಯೋ ಹನಿ ಸಿಂಗ್‌ ವಿರುದ್ಧ ಕಾನೂನು ಕ್ರಮ ಜರುಗಿಸುವಂತೆ ಆಗ್ರಹಿಸಿದ್ದಾರೆ.

ಮಹಿಳೆಯರನ್ನು ಲೈಂಗಿಕವಾಗಿ ಅವಮಾನಿಸುವ ಕೀಳು ಮಟ್ಟದ ಸಾಹಿತ್ಯವನ್ನು ತನ್ನ ಹಾಡಿನಲ್ಲಿ ಬಳಸಿಕೊಂಡಿರುವ ಹನಿ ಸಿಂಗ್‌ ವಿರುದ್ದ ಎಫ್ಐಆರ್‌ ದಾಖಲಿಸಿಕೊಂಡು ಕ್ರಿಮಿನಲ್‌ ಕಾನೂನು ಕ್ರಮ ಜರುಗಿಸುವಂತೆ ನಾವು ಆಗ್ರಹಿಸಿದ್ದೇವೆ ಎಂದು ಗುಲಾಟಿ ಮಾಧ್ಯಮಕ್ಕೆ ತಿಳಿಸಿದರು.