Puri; ರತ್ನಭಂಡಾರದ ಆಭರಣಗಳ ಸ್ಥಳಾಂತರ ಪ್ರಕ್ರಿಯೆ ಪೂರ್ಣ

Team Udayavani, Jul 19, 2024, 1:14 AM IST

ಪುರಿ: ಒಡಿಶಾದ ಪುರಿ ಜಗನ್ನಾಥ ದೇಗುಲದ ರತ್ನ ಭಂಡಾರವನ್ನು ಗುರುವಾರ ಮತ್ತೆ ತೆರೆಯಲಾಗಿದ್ದು, ಒಳ ಕೊಠಡಿಯಲ್ಲಿರುವ ಅಮೂಲ್ಯ ವಸ್ತುಗಳನ್ನು ತಾತ್ಕಾಲಿಕ ದಾಸ್ತಾನು ಕೋಣೆಗೆ ಸ್ಥಳಾಂತರಿಸುವ ಪ್ರಕ್ರಿಯೆಯನ್ನು ನಡೆಸಲಾಗಿದೆ. ಇವುಗಳ ಸ್ಥಳಾಂತರದ ಉದ್ದೇಶದಿಂದಲೇ ವಾರದಲ್ಲಿ 2ನೇ ಬಾರಿಗೆ ರತ್ನಭಂಡಾರದ ಬಾಗಿಲನ್ನು ತೆರೆಯಲಾಗಿತ್ತು. ಗುರುವಾರ 7 ಗಂಟೆಗಳು ಸ್ಥಳಾಂತರ ಪ್ರಕ್ರಿಯೆ ನಡೆದಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಮರದ ಮತ್ತು ಸ್ಟೀಲ್‌ನ ಕಪಾಟುಗಳು ಸೇರಿ ಒಟ್ಟು 7 ಕಂಟೇನರ್‌ಗಳಲ್ಲಿ ಅಮೂಲ್ಯ ವಸ್ತುಗಳನ್ನು ತುಂಬಿಸಿ, ತಾತ್ಕಾಲಿಕ ಕೋಣೆ ಗೆ ಶಿಫ್ಟ್ ಮಾಡಲಾಯಿತು. ಬಳಿಕ ಒಳಾಂಗಣ ಕೋಣೆ ಮತ್ತು ತಾತ್ಕಾಲಿಕ ಭದ್ರತಾ ಕೊಠಡಿಯನ್ನು ಸೀಲ್‌ ಮಾಡಿ ಕೀಲಿಕೈಯನ್ನು ಪುರಿ ಜಿಲ್ಲಾಧಿಕಾರಿಗೆೆ ಹಸ್ತಾಂತರಿಸಲಾಯಿತು ಎಂದು ದೇಗುಲ ಆಡಳಿತ ತಿಳಿಸಿದೆ.