QS World University Ranking: ಜೆಎನ್‌ಯು ದೇಶದ ನಂ.1 ವಿಶ್ವ ವಿದ್ಯಾಲಯ

Team Udayavani, Apr 10, 2024, 11:07 PM IST

ಹೊಸದಿಲ್ಲಿ: ಲಂಡನ್‌ ಮೂಲದ ಶಿಕ್ಷಣ ತಜ್ಞ ಸಂಸ್ಥೆ ಕ್ವಾಕೆರಲಿ ಸೈಮಂಡ್ಸ್‌ (ಕ್ಯೂಎಸ್‌) ಜಾಗತಿಕ ವಿಶ್ವ ವಿದ್ಯಾಲಯ ಗಳ 2024ನೇ ಸಾಲಿನ ರ್‍ಯಾಂಕಿಂಗ್‌ ಅನ್ನು ಬಿಡುಗಡೆಗೊಳಿಸಿದ್ದು, ಈ ಪೈಕಿ ಭಾರ ತದ ಜವಾಹರ್‌ ಲಾಲ್‌ ನೆಹರು ವಿಶ್ವ ವಿದ್ಯಾಲಯವು ಅಗ್ರ 20ನೇ ಸ್ಥಾನವನ್ನು ಕಾಯ್ದಿರಿಸಿಕೊಂಡಿದೆ. ಈ ಮೂಲಕ ದೇಶದ ನಂ.1 ವಿವಿ ಎಂಬ ಖ್ಯಾತಿಗೂ ಪಾತ್ರವಾಗಿದೆ. ಮ್ಯಾನೇ ಜ್‌ಮೆಂಟ್‌ ಅಧ್ಯಯನ ವಿಭಾಗದಲ್ಲಿ ಅಹ್ಮದಾ ಬಾದ್‌ನ ಇಂಡಿಯನ್‌ ಇನ್‌ಸ್ಟಿಟ್ಯೂಟ್‌ ಆಫ್ ಮ್ಯಾನೇಜೆ¾ಂಟ್‌ ಅಗ್ರ 25ರಲ್ಲಿ ಸ್ಥಾನ ಪಡೆದರೆ ಐಐಎಂ-ಬೆಂಗಳೂರು, ಐಐಎಂ ಕೋಲ್ಕತಾ ಅಗ್ರ 50ರಲ್ಲಿವೆ.

5 ಪ್ರಮುಖ ವಿಭಾಗದಲ್ಲಿ 55 ಪ್ರಮುಖ ವಿಷಯಗಳನ್ನು ಆಧರಿಸಿ 1,559 ವಿವಿಗಳಿಗೆ ರ್‍ಯಾಂಕಿಂಗ್‌ ನೀಡಲಾ ಗಿದೆ. ಈ ಪೈಕಿ ಡೆವಲಪೆ¾ಂಟ್‌ ಸ್ಟಡೀಸ್‌ ವಿಭಾಗದಲ್ಲಿ 20ನೇ ಸ್ಥಾನವನ್ನು ಜೆಎನ್‌ಯು ಪಡೆದುಕೊಂಡಿದೆ. ಶೈಕ್ಷಣಿಕ ಖ್ಯಾತಿ, ಉದ್ಯೋಗ ಖಾತ್ರಿ ಸೇರಿದಂತೆ ವಿವಿಧ ಅಂಶಗಳನ್ನು ಆಧರಿಸಿ ಈ ರ್‍ಯಾಂಕಿಂಗ್‌ ನೀಡಲಾಗಿದೆ. ಎಲ್ಲಾ ವಿಭಾ ಗದಿಂದಲೂ ಸೇರಿ ಜೆಎನ್‌ಯು 83.1 ಅಂಕ ಗಳಿಸಿದೆ. ಇನ್ನು ದಂತವೈದ್ಯ ಶಾಸ್ತ್ರ ವಿಭಾಗದಲ್ಲಿ ಚೆನ್ನೈ ಮೂಲದ ಸವೀತಾ ಇನ್‌ಸ್ಟಿಟ್ಯೂಟ್‌ ಸಂಸ್ಥೆಗೆ ಜಾಗತಿಕವಾಗಿ 25ನೇ ಸ್ಥಾನ ದೊರೆತಿದೆ.