ವೈದ್ಯ ಕಾಲೇಜಲ್ಲಿ ರ‍್ಯಾಗಿಂಗ್‌

Team Udayavani, Aug 22, 2019, 5:29 AM IST

ಹೊಸದಿಲ್ಲಿ: ಉತ್ತರ ಪ್ರದೇಶದ ಇಟಾವಾ ಜಿಲ್ಲೆಯ ಸಿಫಾಯ್‌ನಲ್ಲಿರುವ ಉತ್ತರ ಪ್ರದೇಶ ವೈದ್ಯಕೀಯ ವಿಜ್ಞಾನ ಸಂಸ್ಥೆಯಲ್ಲಿ ರ‍್ಯಾಗಿಂಗ್‌ ಪ್ರಕರಣವೊಂದು ಬೆಳಕಿಗೆ ಬಂದಿದ್ದು, ಇದರ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದೆ.

ಅಲ್ಲಿನ ಹಿರಿಯ ವಿದ್ಯಾರ್ಥಿಗಳು ಕಾಲೇಜಿಗೆ ಹೊಸದಾಗಿ ಸೇರ್ಪಡೆಗೊಂಡಿರುವ ಮೊದಲ ವರ್ಷದ ವಿದ್ಯಾರ್ಥಿಗಳಿಗೆ ರ‍್ಯಾಗಿಂಗ್‌ ಹೆಸರಲ್ಲಿ ಸಾಮೂಹಿಕವಾಗಿ ತಲೆಬೋಳಿಸುವಂತೆ ಮಾಡಿದ್ದಾರೆ.

ಅದರಂತೆ, ಕಿರಿಯ ವಿದ್ಯಾರ್ಥಿಗಳು ತಲೆ ಬೋಳಿಸಿಕೊಂಡು, ಬಿಳಿ ಬಣ್ಣದ ಜುಬ್ಟಾ-ಪೈಜಾಮ ಧರಿಸಿ ಕಾಲೇಜು ಕ್ಯಾಂಪಸ್ಸಿನಲ್ಲಿ ಸಾಲಾಗಿ ನಡೆದಿದ್ದಾರೆ. ಅವರೆಲ್ಲರೂ ಶಿರಬಾಗಿ ತಮಗೆ ನಮಿಸುವಂತೆಯೂ ಹಿರಿಯ ವಿದ್ಯಾರ್ಥಿಗಳು ಸೂಚಿಸಿದ್ದಾರೆ. ಮಾಧ್ಯಮಗಳಲ್ಲಿ ಇದು ದೊಡ್ಡ ಸುದ್ದಿಯಾಗುತ್ತಿದ್ದಂತೆ ಎಚ್ಚೆತ್ತು ಕೊಂಡಿರುವ ಸಂಸ್ಥೆಯ ಆಡಳಿತ ಮಂಡಳಿ, ತಪ್ಪಿತಸ್ಥರ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳು ವುದಾಗಿ ಹೇಳಿದ್ದಾರೆ. ದುರದೃಷ್ಟವಶಾತ್‌, ರ್ಯಾಗಿಂಗ್‌ ಮಾಡುವವರಿಗೆ ಪಾಠ ಕಲಿಸಲು, ಮೊದಲ ವರ್ಷದ ವಿದ್ಯಾರ್ಥಿಗಳ ನಡುವೆ ಒಬ್ಬನೇ ಒಬ್ಬ “ಮುನ್ನಾಭಾಯಿ’ ಅಥವಾ ತ್ರೀ ಈಡಿಯಟ್ಸ್‌ನ “ಫ‌ುನ್ಸುಕ್‌ ವಾಂಗುx’ ಮಾದರಿಯ ಧೈರ್ಯವಂತ ಇರಲಿಲ್ಲ ಎನ್ನುವುದು ಬೇಸರದ ಸಂಗತಿ