ಏರ್‌ ಅಂಬುಲೆನ್ಸ್‌ ಟೇಕಾಫ್ ಗೆ ಮೊದಲ ಅವಕಾಶ ಮಾಡಿಕೊಟ್ಟ ರಾಹುಲ್‌

Team Udayavani, Aug 29, 2018, 11:52 AM IST

ತಿರುವನಂತಪುರ : ಸದ್ಭಾವನೆಯ ಕ್ರಮವಾಗಿ ಕಾಂಗ್ರೆಸ್‌ ಅಧ್ಯಕ್ಷ ರಾಹುಲ್‌ ಗಾಂಧಿ ಅವರು ನಿನ್ನೆ ಮಂಗಳವಾರ ಅಲಪ್ಪುಳದ ಕಾಲೇಜೊಂದರ ಹೆಲಿಪ್ಯಾಡ್‌ನ‌ಲ್ಲಿ ತಮ್ಮ ಹೆಲಿಕಾಪ್ಟರ್‌ ಹಾರುವ ಮೊದಲು ಹೃದ್ರೋಗಿಯೊಬ್ಬರಿದ್ದ ಏರ್‌ ಅಂಬುಲೆನ್ಸ್‌ ಟೇಕಾಫ್ ಆಗುವುದಕ್ಕೆ ಅವಕಾಶ ಮಾಡಿಕೊಟ್ಟರು. 

ರಾಹುಲ್‌ ಗಾಂಧಿ ಅವರು ತಮ್ಮ ಹೆಲಿಕಾಪ್ಟರ್‌ ಏರಲು ಮುಂದಾಗುತ್ತಿದ್ದಂತೆಯೇ ಅಲ್ಲೇ ಸಮೀಪ ಏರ್‌ ಅಂಬುಲೆನ್ಸ್‌  ಟೇಕಾಫ್ ಗೆ ಕಾಯುತ್ತಿದ್ದುದನ್ನು ಕಂಡು ವಿಚಾರಿಸಿದರು. ಪರಿಹಾರ ಶಿಬಿರದಲ್ಲಿದ್ದ ವ್ಯಕ್ತಿಯೊಬ್ಬರಿಗೆ ಹೃದಯಾಘಾತವಾಗಿದ್ದು ಅವರನ್ನು ಶೆಂಗನ್ನೂರಿನಿಂದ ಅಲಪ್ಪುಳ ಮೆಡಿಕಲ್‌ ಕಾಲೇಜ್‌ ಆಸ್ಪತ್ರೆಗೆ ಸಾಗಿಸುವುದಿದೆ ಎಂಬ ವಿಷಯವನ್ನು ಅರಿತ ರಾಹುಲ್‌, ಒಡನೆಯೇ ತಮ್ಮ ಹೆಲಿಕಾಪ್ಟರ್‌ ಟೇಕಾಫ್ಗೆ ಮುನ್ನ ಏರ್‌ ಅಂಬುಲೆನ್ಸ್‌ ಟೇಕಾಫ್ ಗೆಅವಕಾಶ ಮಾಡಿಕೊಟ್ಟರು. 

ಈ ಸದ್ಭಾವನೆಯ ಪರಿಣಾಮವಾಗಿ ರಾಹುಲ್‌ ಗಾಂಧಿ ಅವರ ಹೆಲಿಕಾಪ್ಟರ್‌ ಟೇಕಾಫ್ ಆಗುವುದು 30 ನಿಮಿಷ ತಡವಾಯಿತು ಎಂದು ಕಾಂಗ್ರೆಸ್‌ ನಾಯಕ ಮತ್ತು ಮಾಜಿ ಶಾಸಕ ಪಿ ಸಿ ವಿಶುನಾಥ್‌ ಹೇಳಿದರು.