#MeToo:ಮೌನ ಮುರಿದ ರಾಹುಲ್‌;ಸತ್ಯವನ್ನು ಸ್ಪಷ್ಟವಾಗಿ,ಜೋರಾಗಿ ಹೇಳಿ 

Team Udayavani, Oct 12, 2018, 3:13 PM IST

ಹೊಸದಿಲ್ಲಿ : ಮೀ ಟೂ ಅಭಿಯಾನಕ್ಕೆ ಎಐಸಿಸಿ ಅಧ್ಯಕ್ಷ ರಾಹುಲ್‌ ಗಾಂಧಿ ಅವರು ಬೆಂಬಲ ಸೂಚಿಸಿ ಟ್ವೀಟ್‌ ಮಾಡಿದ್ದಾರೆ.ಶುಕ್ರವಾರ ಟ್ವೀಟ್‌ ಮಾಡಿ ತಮ್ಮ ಅಭಿಪ್ರಾಯವನ್ನು ಹೊರ ಹಾಕಿದ್ದಾರೆ.

‘ಎಲ್ಲರೂ ಮಹಿಳೆಯರನ್ನು  ಗೌರವ ಮತ್ತು ಘನತೆಯಿಂದ ಕಾಣಬೇಕಾದ ಕಾಲ ಒದಗಿದೆ.  ನಾನು ಈ ಬಗ್ಗೆ ಹೇಳಿಕೊಳ್ಳುವವರಿಗೆ ಮಕ್ತ ಅವಕಾಶ ನೀಡುತ್ತೇನೆ. ಬದಲಾವಣೆಯನ್ನು ತರಲು ಸತ್ಯವನ್ನು ಜೋರಾಗಿ ಮತ್ತು ಸ್ಪಷ್ಟವಾಗಿ  ಹೇಳಬೇಕಾದ ಅಗತ್ಯವಿದೆ’ ಎಂದು ಟ್ವೀಟ್‌ ಮಾಡಿದ್ದಾರೆ. 

ರಾಫೇಲ್‌ ಕುರಿತಾಗಿನ ಪತ್ರಿಕಾಗೋಷ್ಠಿಯಲ್ಲಿ ಕೇಂದ್ರ ಸಚಿವ ಎಂ.ಜೆ.ಅಕ್ಬರ್‌ ವಿರುದ್ಧ ಕೇಳಿ ಬಂದಿದ್ದ ಆರೋಪದ ಕುರಿತು ಪ್ರತಿಕ್ರಿಯಿಸಲು ನಿರಾಕರಿಸಿದ್ದ ರಾಹುಲ್‌ ಅವರು ಈ ಪ್ರಶ್ನೆಗಳಿಗೆ ಪ್ರತ್ಯೇಕ ವಾಗಿ ನನ್ನ ಅಭಿಪ್ರಾಯ ತಿಳಿಸುತ್ತೇನೆ ಎಂದಿದ್ದರು.