ಅಮೇಠಿಯಲ್ಲಿ ರಾಹುಲ್‌ ನಾಪತ್ತೆ ಪೋಸ್ಟರ್‌: BJP, RSS ಕೃತ್ಯ ಎಂದ ಕೈ

Team Udayavani, Aug 8, 2017, 3:30 PM IST

ಅಮೇಠಿ : “ರಾಹುಲ್‌ ಗಾಂಧಿ ನಾಪತ್ತೆಯಾಗಿದ್ದಾರೆ’ ಎಂಬ ಕುಹಕದ ಪೋಸ್ಟರ್‌ಗಳು ರಾಹುಲ್‌ ಅವರ ಲೋಕಸಭಾ ಕ್ಷೇತ್ರವಾದ ಅಮೇಠಿಯಲ್ಲಿ ಕಾಣಿಸಿಕೊಂಡಿವೆ. ಇದು ಬಿಜೆಪಿ ಮತ್ತು ಆರ್‌ಎಸ್‌ಎಸ್‌ ಗಳ ಕುಹಕದ ಕೃತ್ಯ ಎಂದು ಕಾಂಗ್ರೆಸ್‌ ಕಿಡಿಕಾರಿದೆ. 

“ಅಮೇಠಿ ಕೇ ಮಾನನೀಯ ಸಂಸದ್‌ ಅಮೇಠಿ ಸೇ ಲಪಟಾ ಹೈಂ’ (ಅಮೇಠಿಯ ಗೌರವಾನ್ವಿತ ಸಂಸದ ಅಮೇಠಿಯಿಂದ ನಾಪತ್ತೆಯಾಗಿದ್ದಾರೆ) ಎಂಬ ಒಕ್ಕಣೆ ಇರುವ ಪೋಸ್ಟರ್‌ಗಳು ನರಗದ ವಿವಿಧೆಡೆಗಳಲ್ಲಿ ರಾರಾಜಿಸುತ್ತಿವೆ.

ರಾಹುಲ್‌ ಗಾಂಧಿ ಅವರು ತಮ್ಮ ಅಮೇಠಿ ಕ್ಷೇತ್ರಕ್ಕೆ ಕೊನೇ ಬಾರಿ ಭೇಟಿ ನೀಡಿದ್ದು ಈ ವರ್ಷ ಫೆಬ್ರವರಿಯಲ್ಲಿ – ರಾಜ್ಯ ವಿಧಾನಸಭಾ ಚುನಾವಣೆಗಳು ನಡೆಯುತ್ತಿದ್ದ ವೇಳೆಯಲ್ಲಿ. 

“ಈ ಬಗೆಯ ಕುಹಕದ ಪೋಸ್ಟರ್‌ಗಳನ್ನು ಹಚ್ಚಲಾದ ಪ್ರಕರಣಕ್ಕೆ ಸಂಬಂಧಿಸಿ ನಾವು ಪೊಲೀಸರಲ್ಲಿ ಮಿಜೆಪಿ ಮತ್ತು ಆರ್‌ಎಸ್‌ಎಸ್‌ ವಿರುದ್ಧ  ಪಿತೂರಿಯ ಎಫ್ಐಆರ್‌ ದಾಖಲಿಸುತ್ತೇವೆ’ ಎಂದು ಜಿಲ್ಲಾ ಕಾಂಗ್ರೆಸ್‌ ಮುಖ್ಯಸ್ಥ ಯೋಗೇಂದ್ರ ಮಿಶ್ರಾ ಹೇಳಿದ್ದಾರೆ.