ಮೋದಿ ವಿಶ್ವಾಸಾರ್ಹತೆಯ ಮೇಲೆ ಪ್ರಶ್ನೆ ಮೂಡಿದೆ: ರಾಹುಲ್‌ 

Team Udayavani, Dec 19, 2017, 2:48 PM IST

ಹೊಸದಿಲ್ಲಿ: ಗುಜರಾತ್‌ ಮತ್ತು ಹಿಮಾಚಲ ಪ್ರದೇಶಗಳ ವಿಧಾನಸಭಾ ಚುನಾವಣಾ ಫ‌ಲಿತಾಂಶ ಪ್ರಕಟವಾದ ಒಂದು ದಿನದ ಬಳಿಕ ಮಂಗಳವಾರ  ಕಾಂಗ್ರೆಸ್‌ ಅಧ್ಯಕ್ಷ ರಾಹುಲ್‌ ಗಾಂಧಿ  ಪ್ರತಿಕ್ರಿಯೆ ನೀಡಿ ‘ಗುಜರಾತ್‌ ಫ‌ಲಿತಾಂಶ  ಪ್ರಧಾನಿ ಮೋದಿ  ಅವರ ವಿಶ್ವಾಸಾರ್ಹತೆಯ ಮೇಲೆ ಪ್ರಶ್ನೆ ಮೂಡಿಸಿದೆ’ ಎಂದಿದ್ದಾರೆ. 

‘ಗುಜರಾತ್‌ ಜನತೆಗೆ ಧನ್ಯವಾದ ಹೇಳಿದ ರಾಹುಲ್‌ ‘ಜನತೆ ನನಗೆ ಅಪಾರ ಪ್ರೀತಿ ತೋರಿಸಿದ್ದಾರೆ. ಎಷ್ಟೇ ಹಣ ಮತ್ತು ಸಿಟ್ಟು ಪ್ರೀತಿಯನ್ನು ಸೋಲಿಸಲು ಸಾಧ್ಯವಿಲ್ಲ ಎನ್ನುವುದನ್ನು ನನಗೆ ಕಲಿಸಿದ್ದಾರೆ. ಕೋಪ ಎನ್ನುವುದು ಯಾವುದೇ ಕಾರಣಕ್ಕೂ ಸಹಾಯ ಮಾಡುವುದಿಲ್ಲ ಎನ್ನುವುದನ್ನು ಜನತೆ ಬಿಜೆಪಿ ಮತ್ತು ಮೋದಿಗೆ ಜನತೆ ಕಲಿಸಿದ್ದಾರೆ.’ ಎಂದರು.

‘ಬಿಜೆಪಿ ಪ್ರಚಾರ ಉತ್ತಮ, ಆದರೆ ಒಳಗಿನಿಂದ ಟೊಳ್ಳಾಗಿದೆ. ಮೋದಿಯ ಮೇಲಿನ ಜನರ ವಿಶ್ವಾಸಾರ್ಹತೆ ಇನ್ನೂ ಜೀವಂತವಾಗಿದೆಯೇ’ ಎಂದು ಪ್ರಶ್ನಿಸಿದರು.  

ಗುಜರಾತ್‌ ನಲ್ಲಿ  ಪ್ರಬಲ ಪೈಪೋಟಿ  ನೀಡಿದ್ದ ಕಾಂಗ್ರೆಸ್‌ 182 ಸ್ಥಾನಗಳ ಪೈಕಿ 77 ಸ್ಥಾನಗಳನ್ನು ಗೆದ್ದಿದೆ. ಬಿಜೆಪಿ 99 ಸ್ಥಾನಗಳನ್ನು ಗೆದ್ದು ಅಧಿಕಾರಕ್ಕೆ ಏರಿದೆ.