ರಾಯಚೂರು ಐಐಟಿಗೆ ಸದ್ಯದಲ್ಲೇ ಐಎನ್‌ಐ ಸ್ಥಾನಮಾನ

Team Udayavani, Mar 21, 2020, 6:15 AM IST

ಹೊಸದಿಲ್ಲಿ: ಸರಕಾರಿ- ಖಾಸಗಿ ಸಹಭಾಗಿತ್ವದಡಿ (ಪಿಪಿಡಿ) ಕರ್ನಾಟಕದ ರಾಯಚೂರು ಸೇರಿದಂತೆ ಸೂರತ್‌, ಭೋಪಾಲ, ಭಾಗಲ್ಪುರ, ಅಗರ್ತಲಾಗಳಲ್ಲಿ ನೂತನವಾಗಿ ನಿರ್ಮಿಸಲಾಗಿರುವ ಮೂರು ಐಐಟಿ (ಇಂಡಿಯನ್‌ ಇನ್‌ಸ್ಟಿಟ್ಯೂಟ್‌ ಆಫ್ ಟೆಕ್ನಾಲಜಿ) ಸಂಸ್ಥೆಗಳನ್ನು ರಾಷ್ಟ್ರೀಯ ಪ್ರಾಮುಖ್ಯದ ಸಂಸ್ಥೆಗಳ (ಐಎನ್‌ಐ) ವ್ಯಾಪ್ತಿಗೆ ತರುವ ಉದ್ದೇಶದ ಮಸೂದೆಗೆ ಲೋಕಸಭೆ ಶುಕ್ರವಾರ ಅಂಗೀಕಾರ ನೀಡಿದೆ.

ಈ ಮಸೂದೆಯಡಿ, “ಇಂಡಿಯನ್‌ ಇನ್‌ಸ್ಟಿಟ್ಯೂಟ್‌ ಆಫ್ ಇನಾ#ರ್ಮೇಶನ್‌ ಟೆಕ್ನಾಲಜಿ ಕಾನೂನು ಕಾಯ್ದೆ’ಗೆ ತಿದ್ದುಪಡಿ ತರಲಾಗುತ್ತದೆ.

ಮಸೂದೆಗೆ ಲೋಕಸಭೆ ಅಂಗೀಕಾರ ನೀಡಿರುವುದರಿಂದ ಈಗಾಗಲೇ ಐಎನ್‌ಐ ಸ್ಥಾನಮಾನ ಪಡೆದಿರುವ ದೇಶದ 15 ಐಐಟಿಗಳ ಪಟ್ಟಿಗೆ ಈ ಹೊಸ ಐದು ಐಐಟಿಗಳೂ ಸೇರ್ಪಡೆಗೊಳ್ಳಲಿವೆ. ಇದರಿಂದಾಗಿ ಈ ಐಐಟಿಗಳಲ್ಲಿ ಬ್ಯಾಚುಲರ್‌ ಆಫ್ ಟೆಕ್ನಾಲಜಿ (ಬಿ.ಟೆಕ್‌) ಮತ್ತು ಮಾಸ್ಟರ್‌ ಆಫ್ ಟೆಕ್ನಾಲಜಿ (ಎಂ.ಟೆಕ್‌) ಕೋರ್ಸ್‌ಗಳನ್ನು ಆರಂಭಿಸಲು ಅವಕಾಶ ಸಿಗಲಿದೆ. ಅಲ್ಲದೆ ತನ್ನ ಕೋರ್ಸ್‌ಗಳಿಗೆ ನಿಗದಿತ ಸಂಖ್ಯೆಯಲ್ಲಿ ವಿದ್ಯಾರ್ಥಿಗಳನ್ನು ಆಕರ್ಷಿಸುವ ಮೂಲಕ ಮಾಹಿತಿ ತಂತ್ರಜ್ಞಾನ ಕ್ಷೇತ್ರದಲ್ಲಿ ಪ್ರಮುಖ ಸಂಶೋಧನೆಗಳನ್ನು ಕೈಗೊಳ್ಳಲು ಈ ಸಂಸ್ಥೆಗಳಿಗೆ ಅನುಕೂಲವಾಗಲಿದೆ.