Ram Setu 1 ರೈಲು ಬೋಗಿಯಷ್ಟು ಅಗಲ: ಇಸ್ರೋ ಮ್ಯಾಪ್‌ನಲ್ಲಿ ಸ್ಪಷ್ಟ

Team Udayavani, Jul 10, 2024, 7:27 AM IST

ಹೊಸದಿಲ್ಲಿ: ಸಮುದ್ರದಲ್ಲಿ ಮುಳುಗಡೆಯಾಗಿರುವ ರಾಮಸೇತುವಿನ ನಕ್ಷೆಯನ್ನು ಇಸ್ರೋ ಬಿಡುಗಡೆ ಮಾಡಿದೆ. ಇದು ಪ್ರಾಚೀನ ಕಾಲದಲ್ಲಿ ಭಾರತ ಮತ್ತು ಶ್ರೀಲಂಕಾ ನಡುವೆ ರಸ್ತೆ ಸಂಪರ್ಕ ಕಲ್ಪಿಸುತ್ತಿತ್ತು ಎಂಬ ವಾದಕ್ಕೆ ಈಗ ಮತ್ತಷ್ಟು ಪುಷ್ಟಿ ದೊರಕಿದಂತಾಗಿದೆ.

ಐಸಿಇ ಸ್ಯಾಟ್‌ ಉಪಗ್ರಹದ 2018ರಿಂದ 2023ರವರೆಗಿನ ಮಾಹಿತಿಯನ್ನು ಆಧರಿಸಿ ಈ ಮ್ಯಾಪ್‌ ರಚಿಸಲಾಗಿದೆ.  ತಮಿಳುನಾಡಿನ ಧನುಷೊRàಡಿಯಿಂದ ಶ್ರೀಲಂಕಾದ ತಲೈಮನ್ನಾರ್‌ಗೆ ಈ ಸೇತುವೆ ಸಂಪರ್ಕ ಕಲ್ಪಿಸಲಿದ್ದು, 1 ರೈಲು ಬೋಗಿಯಷ್ಟು ಅಗಲವಾಗಿದೆ. ಈ ಸೇತುವೆಯ ಶೇ.99.98ರಷ್ಟು ಸಮುದ್ರದಲ್ಲಿ ಮುಳುಗಡೆಯಾಗಿದೆ ಎಂದು ಸಂಶೋಧಕ ಗಿರಿಬಾಬು ದಂಡಾಬತುಲಾ ಹೇಳಿದ್ದಾರೆ.

ಇದು ಮಾನವ ನಿರ್ಮಿತ?: ಇಡೀ ಸೇತುವೆ ಯಲ್ಲಿ 11 ಕಡೆ ಸಣ್ಣ ಸಣ್ಣ ಕಾಲುವೆಗಳಿರು ವುದನ್ನು ಈ ಸಂಶೋಧನೆ ಪತ್ತೆ ಮಾಡಿದೆ. ಈ ಕಾಲುವೆಗಳು ಪಾಕ್‌ ಜಲಸಂಧಿಯಿಂದ ಮನ್ನಾರ್‌ಖಾರಿಗೆ ನೀರು ಸುಲಭವಾಗಿ ಹರಿದುಹೋಗಲು ಸಹಾಯ ಮಾಡುತ್ತದೆ. ಹೀಗಾಗಿ ಈ ಸೇತುವೆ ಮಾನವ ನಿರ್ಮಿತವಾಗಿವೆ.  ರಾಮೇಶ್ವರಂ ನಲ್ಲಿರುವ ಶಾಸನದ ಮಾಹಿತಿಯ ಪ್ರಕಾರ 1480ರವರೆಗೆ ಈ ಸೇತುವೆ ನೀರಿನ ಮೇಲ್ಭಾಗದಲ್ಲಿ ಕಾಣುತ್ತಿತ್ತು. ಬಳಿಕ ಭಾರಿ ಪ್ರವಾಹಕ್ಕೆ ಸಿಲುಕಿ ನಾಶವಾಯಿತು ಎನ್ನಲಾಗಿದೆ.