ಗುಜರಾತ್ ಫಲಿತಾಂಶ: ಬಿಜೆಪಿ ಟಿಕೆಟ್ ನಿಂದ ಗೆದ್ದ ರವೀಂದ್ರ ಜಡೇಜಾ ಪತ್ನಿ ರಿವಾಬಾ

Team Udayavani, Dec 8, 2022, 2:12 PM IST

ಅಹಮದಾಬಾದ್: ಕ್ರಿಕೆಟಿಗ ರವೀಂದ್ರ ಜಡೇಜಾ ಅವರ ಪತ್ನಿ ರಿವಾಬಾ ರವೀಂದ್ರ ಜಡೇಜಾ ಅವರು ಜಾಮ್‌ ನಗರ ಉತ್ತರ-78 ಕ್ಷೇತ್ರದಿಂದ ಬಿಜೆಪಿ ಟಿಕೆಟ್‌ ನಲ್ಲಿ ಭರ್ಜರಿ ಜಯ ಸಾಧಿಸಿದ್ದಾರೆ.

ಗೆಲುವು ಖಚಿತವಾದ ಬಳಿಕ ಮಾತನಾಡಿದ ರಿವಾಬಾ ಜಡೇಜಾ, “ಇದು ನನಗೆ ಮಾತ್ರವಲ್ಲ, ನಮ್ಮೆಲ್ಲರ ಗೆಲುವು. ನನ್ನನ್ನು ಅಭ್ಯರ್ಥಿಯಾಗಿ ಸಂತೋಷದಿಂದ ಸ್ವೀಕರಿಸಿದ, ನನಗಾಗಿ ಕೆಲಸ ಮಾಡಿದ, ಜನರನ್ನು ತಲುಪಿದ ಎಲ್ಲರಿಗೂ ನಾನು ಧನ್ಯವಾದ ಹೇಳುತ್ತೇನೆ” ಎಂದಿದ್ದಾರೆ.

ಕ್ಷೇತ್ರದಲ್ಲಿ ದಾಖಲಾದ ಒಟ್ಟು ಮತಗಳಲ್ಲಿ ಅವರು 55% ಕ್ಕಿಂತ ಹೆಚ್ಚು ಮತಗಳನ್ನು ಪಡೆದರು. ನಂತರ ಆಮ್ ಆದ್ಮಿ ಪಕ್ಷದ ಅಹಿರ್ ಕರಶನ್‌ ಭಾಯ್ ಪರ್ಬತ್‌ ಭಾಯ್ ಕರ್ಮುರ್ 23.37% ಮತ ಮತ್ತು ಕಾಂಗ್ರೆಸ್‌ ನ ಬಿಪೇಂದ್ರ ಸಿಂಗ್ ಚತುರ್ ಸಿಂಗ್ ಜಡೇಜಾ 15.49% ಮತ ಪಡೆದರು.

ಇದನ್ನೂ ಓದಿ:ಹಿಮಾಚಲ ಪ್ರದೇಶದಲ್ಲಿ ಫಲಿತಾಂಶದ ಮುನ್ನವೇ ಆಪರೇಷನ್ ಕಮಲದ ಭೀತಿ

ಕ್ಷೇತ್ರದಲ್ಲಿ ನಾಲ್ಕು ಪಕ್ಷಗಳು ಕಣದಲ್ಲಿದ್ದರೆ ಆರು ಅಭ್ಯರ್ಥಿಗಳು ಸ್ವತಂತ್ರವಾಗಿ ಸ್ಪರ್ಧಿಸಿದ್ದಾರೆ. ಬಹುಜನ ಸಮಾಜ ಪಕ್ಷದ ಅಭ್ಯರ್ಥಿ ಶೇ.1.5ರಷ್ಟು ಮತಗಳನ್ನು ಪಡೆದಿದ್ದಾರೆ.

Those who accepted me happily as a candidate, worked for me, reached out & connected to people – I thank them all. It’s not just my victory but of all of us: BJP’s Jamnagar North candidate, Rivaba Jadeja

As per EC’s official trend, she is leading with a margin of 31,333 votes. pic.twitter.com/UglAYQ6kyq

— ANI (@ANI) December 8, 2022