ಕಚೇರಿಗೆ ಜಾಗ ಹುಡುಕುತ್ತಿರುವ ಆರ್‌ಬಿಐ

Team Udayavani, Apr 18, 2022, 6:35 AM IST

ಮುಂಬೈ: ರಿಸರ್ವ್‌ ಬ್ಯಾಂಕ್‌ ಆಫ್ ಇಂಡಿಯಾ(ಆರ್‌ಬಿಐ) ಮುಂಬೈನ ಬಾಂದ್ರಾ ಕುರ್ಲಾ ಕಾಂಪ್ಲೆಕ್ಸ್‌(ಬಿಕೆಸಿ) ಮತ್ತು ದಕ್ಷಿಣ ಮುಂಬೈನಲ್ಲಿ ಕಚೇರಿಗಾಗಿ ಸ್ಥಳ ಹುಡುಕುತ್ತಿದೆ.

ಬಿಕೆಸಿ ಮತ್ತು ಅದರ ಸುತ್ತಮುತ್ತಲಿನ 5 ಕಿ.ಮೀ ಆವರಣದಲ್ಲಿ 40,000 ಚದರ ಅಡಿ ಜಾಗದ ಕಚೇರಿ ಬೇಕಾಗಿದೆ.

ಹಾಗೆಯೇ ದಕ್ಷಿಣ ಮುಂಬೈನಲ್ಲಿರುವ ಫೋರ್ಟ್‌ ಕಚೇರಿಯ ಸುತ್ತಮುತ್ತಲಿನ 5ಕಿ.ಮೀ ಆವರಣದಲ್ಲಿ 10,000 ಚದರ ಅಡಿಯ ಕಚೇರಿ ಬೇಕಾಗಿದೆ ಎಂದು ಆರ್‌ಬಿಐ ತಿಳಿಸಿದೆ.

ಎರಡೂ ಕಚೇರಿ ಸ್ಥಳವನ್ನು ದೀರ್ಘಾವಧಿ ಕಾಲಕ್ಕೆ ಲೀಸ್‌ಗೆ ತೆಗೆದುಕೊಳ್ಳಲಾಗುವುದು. ಕಚೇರಿ ಲೀಸ್‌ಗೆ ಮಾಡಿಕೊಡುವ ಜವಾಬ್ದಾರಿಯನ್ನು ಕುಶ್‌ಮ್ಯಾನ್‌ ಆ್ಯಂಡ್‌ ವೇಕ್‌ಫೀಲ್ಡ್‌ ಇಂಡಿಯಾ ಪ್ರೈ. ಲಿ. ಸಂಸ್ಥೆಗೆ ವಹಿಸಲಾಗಿದೆ.