ನಿವೃತ್ತ ನ್ಯಾಯಮೂರ್ತಿ ಭೀಮರಾವ್‌ ನಾಯ್ಕ್ ನಿಧನ

Team Udayavani, Sep 18, 2019, 3:03 AM IST

ಮುಂಬೈ: ಬಾಂಬೆ ಹೈಕೋರ್ಟ್‌ ನಿವೃತ್ತ ನ್ಯಾಯಮೂರ್ತಿ ಭೀಮರಾವ್‌ ಎನ್‌.ನಾಯ್ಕ್ (79) ನಿಧನರಾಗಿದ್ದಾರೆ. ಕರ್ನಾಟಕದಲ್ಲಿ 1940ರ ಜ.23ರಂದು ಜನಿಸಿದ್ದ ಅವರು, ಪುಣೆ ವಿವಿಯಿಂದ ಕಾನೂನು ಪದವಿ ಪಡೆದಿದ್ದರು. ನಂತರ ಅವರು ಸೋಲಾಪುರದ ಜಿಲ್ಲಾ ಮತ್ತು ಸೆಷನ್ಸ್‌ ಕೋರ್ಟ್‌ ನಲ್ಲಿ ವೃತ್ತಿ ಜೀವನ ಆರಂಭಿಸಿದರು. 28 ವರ್ಷಗಳ ಕಾಲ ಸಿವಿಲ್‌ ಮತ್ತು ಕ್ರಿಮಿನಲ್‌ ಪ್ರಕರಣಗಳಲ್ಲಿ ಸಮರ್ಥವಾಗಿವಾದ ಮಂಡಿಸಿದ್ದರು.

1992 ನ.9ರಂದು ಅವರನ್ನು ಬಾಂಬೆ ಹೈಕೋರ್ಟ್‌ನ ಹೆಚ್ಚುವರಿ ನ್ಯಾಯಮೂರ್ತಿಗಳನ್ನಾಗಿ ನೇಮಿಸಲಾಗಿತ್ತು. ಇದಾದ ಎರಡು ವರ್ಷಗಳ ಬಳಿಕ ಅವರನ್ನು ಪೂರ್ಣ ಪ್ರಮಾಣದ ನ್ಯಾಯಮೂರ್ತಿಗಳನ್ನಾಗಿ ನೇಮಿಸಲಾಯಿತು. 1994ರ ಜೂ.7ರಂದು ವೈಯಕ್ತಿಕ ಕಾರಣಗಳಿಗಾಗಿ ಹುದ್ದೆಗೆ ರಾಜೀನಾಮೆ ನೀಡಿದ್ದರು. ಬಳಿಕ ಸುಪ್ರೀಂಕೋರ್ಟ್‌ ನಲ್ಲಿ ನ್ಯಾಯವಾದಿಯಾಗಿ ಕೆಲಸ ನಿರ್ವಹಿಸಿದ್ದರು. ವಿಠಲ್‌ಪಂತ್‌ ತುಲ್ಪುಲೆ ಚಿನ್ನದ ಪದಕ, ಎಲ್‌.ಬಿ.ಭೋಪಾಟ್ಕರ್‌ ಪ್ರಶಸ್ತಿ ಸೇರಿ ಹಲವು ಗೌರವಗಳಿಗೆ ಭಾಜನರಾಗಿದ್ದರು. ಪತ್ನಿ, ಪುತ್ರರನ್ನು ನಾಯ್ಕ್ ಅಗಲಿದ್ದಾರೆ.