ಸ್ವಾಮೀಜಿಗೆ ದನ ಮರಳಿಸಿದ ಆಜಂ ಖಾನ್‌ರದ್ದು ಸಂಕುಚಿತ ಮನಸ್ಸು; ಬಿಜೆಪಿ

Team Udayavani, Apr 10, 2017, 4:41 PM IST

ಲಕ್ನೋ : ಎಸ್‌ಪಿ ನಾಯಕ ಆಜಂ ಖಾನ್‌ ಅವರು ಸ್ವಾಮೀಜಿಯವರು ತಮಗೆ ಉಡುಗೊರೆಯಾಗಿ ನೀಡಿದ್ದ ದನವನ್ನು ನಿನ್ನೆ ಭಾನುವಾರ ಮರಳಿಸಿದ್ದಾರೆ. ಇದು ಅವರ ಸಂಕುಚಿತ ಮನೋಭಾವವನ್ನು ತೋರಿಸುತ್ತದೆ ಮತ್ತು ಉತ್ತರ ಪ್ರದೇಶದ ಪ್ರಸ್ತುತ ರಾಜಕೀಯ ಸನ್ನಿವೇಶದಲ್ಲಿ ತನ್ನ ಪ್ರಸ್ತುತತೆಯನ್ನು ಉಳಿಸಿಕೊಳ್ಳುವ ಅವರ ತಂತ್ರ ಇದಾಗಿದೆ ಎಂದು ಬಿಜೆಪಿ ಟೀಕಿಸಿದೆ. 

2015ರಲ್ಲಿ ಗೋವರ್ಧನ ಪೀಠದ ಶಂಕರಾಚಾರ್ಯರಾಗಿರುವ ಸ್ವಾಮಿ ಅಧೋಕ್ಷಜಾನಂದ ಮಹಾರಾಜ್‌ ಅವರು ಆಜಂ ಖಾನ್‌ ಅವರಿಗೆ ಕಪ್ಪು ದನವೊಂದನ್ನು ಕೊಡುಗೆಯಾಗಿ ನೀಡಿದ್ದರು. 

ಅದನ್ನು  ನಿನ್ನೆ ಆಜಂ ಖಾನ್‌ ಅವರು ಸ್ವಾಮೀಜಿಯವರಿಗೇ ಮರಳಿಸಿ  “ಯಾವುದೇ ಗೋರಕ್ಷರು ಈ ದನವನ್ನು ಕೊಂದು ನಿಮಗೆ ಕೆಟ್ಟ  ಹೆಸರು ತಂದಾರು ಎಂಬ ಕಾರಣಕ್ಕೆ  ಇದನ್ನು ಮರಳಿಸುತ್ತಿದ್ದೇನೆ’ ಎಂದು ಹೇಳಿದ್ದರು. 

ಆಜಂ ಖಾನ್‌ ಅವರ ಈ ಹೇಳಿಕೆ ಅನಪೇಕ್ಷಿತವಾದದ್ದು. ಯಾವುದೇ ಗೋರಕ್ಷಕರು ಈ ದನವನ್ನು ಕೊಂದು ಸ್ವಾಮೀಜಿಗೆ ಕೆಟ್ಟ ಹೆಸರು ತಂದಾರು ಎಂದು ಖಾನ್‌ ಹೇಳಿರುವುದು ಅವರ ಹಳೇಕಾಲದ ಸಂಕುಚಿತ ಮನೋಭಾವನೆಯನ್ನು ತೋರಿಸುತ್ತದೆ. ಖಾನ್‌ ಅವರ ಈ ಹೇಳಿಕೆಯು ಗೋಕ್ಷಕರು ಗೋರಕ್ಷಕರಿಗೆ ತುಂಬಾ ನೋವುಂಟುಮಾಡಿದೆ ಎಂದು ಬಿಜೆಪಿ ವಕ್ತಾರ ಮನೀಷ್‌ ಶುಕ್ಲಾ ಹೇಳಿದರು.