Rocket launcher: ತಮಿಳುನಾಡಿನಲ್ಲಿ ಆತಂಕ ಸೃಷ್ಟಿಸಿದ ರಾಕೆಟ್ ಲಾಂಚರ್… ಪೊಲೀಸರಿಂದ ತನಿಖೆ

Team Udayavani, Oct 31, 2024, 12:58 PM IST

ಚೆನ್ನೈ: ತಮಿಳುನಾಡಿನ ತಿರುಚ್ಚಿ ಜಿಲ್ಲೆಯ ಅಂದನಲ್ಲೂರು ದೇವಸ್ಥಾನದ ತಟದಲ್ಲಿರುವ ಕಾವೇರಿ ನದಿ ದಡದಲ್ಲಿ ರಾಕೆಟ್ ಲಾಂಚರ್ ಪತ್ತೆಯಾಗಿದ್ದು ಇಲ್ಲಿನ ಜನರಲ್ಲಿ ಆತಂಕ ಮೂಡಿಸಿದೆ.

ಬುಧವಾರ(ಅ.30)  ಸಂಜೆ, ಅಂದನಲ್ಲೂರಿನಲ್ಲಿರುವ ಶಿವ ದೇವಾಲಯಕ್ಕೆ ಭೇಟಿ ನೀಡಿದ ಭಕ್ತರು ನದಿಯ ದಡದಲ್ಲಿ ರಾಕೆಟ್ ಲಾಂಚರ್ ಕಂಡಿದ್ದಾರೆ ಇದರಿಂದ ಭಯಗೊಂಡ ಅವರು ಕೂಡಲೇ ಜೀಯಪುರಂ ಪೊಲೀಸ್ ಠಾಣೆಗೆ ಮಾಹಿತಿ ನೀಡಿದ್ದಾರೆ. ಸ್ಥಳಕ್ಕೆ ಧಾವಿಸಿದ ಪೊಲೀಸರು ರಾಕೆಟ್ ಲಾಂಚರ್ ಅನ್ನು ಸುರಕ್ಷಿತವಾಗಿ ವಶಪಡಿಸಿಕೊಂಡು ಬಾಂಬ್ ನಿಷ್ಕ್ರಿಯ ತಜ್ಞರಿಗೆ ಒಪ್ಪಿಸಿದ್ದಾರೆ.

ದೀಪಾವಳಿ ಹಬ್ಬದ ಸಂದರ್ಭದಲ್ಲಿ ರಾಕೆಟ್ ಲಾಂಚರ್ ಪತ್ತೆಯಾಗಿರುವುದು ಈ ಪ್ರದೇಶದಲ್ಲಿ ಸಂಚಲನ ಮೂಡಿಸಿದೆ.

ಸದ್ಯ ರಾಕೆಟ್ ಲಾಂಚರ್ ನದಿ ದಡಕ್ಕೆ ಹೇಗೆ ಬಂತು ಎಂಬುದರ ಕುರಿತು ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ,

ಇದನ್ನೂ ಓದಿ: Bhopal: ಹೆಡ್ ಫೋನ್ ಹಾಕಿ ರೈಲು ಹಳಿ ಮೇಲೆ ಕುಳಿತಿದ್ದೆ ವಿದ್ಯಾರ್ಥಿಗೆ ಮುಳುವಾಯ್ತು…