ರೈಲು ಸೇವೆ ಅಭಿವೃದ್ಧಿಗೆ 18 ಸಾವಿರ ಕೋಟಿ ರೂ

Team Udayavani, Oct 22, 2019, 8:50 PM IST

ಹೊಸದಿಲ್ಲಿ: ರೈಲ್ವೇ ಸಚಿವಾಲಯ ಈಗಿರುವ ರೈಲು ಸೇವೆಗೆ ವೇಗ ನೀಡಲು ಸುಮಾರು 18 ಸಾವಿರ ಕೋಟಿ ರೂ.ಗಳ ಅನುದಾನವನ್ನು ಬಿಡುಗಡೆ ಮಾಡಲಾಗಿದೆ. ಈ ಯೋಜನೆ ದಿಲ್ಲಿ-ಮುಂಬಯಿ ಮತ್ತು ದಿಲ್ಲಿ-ಕಲ್ಕತಾ ನಡುವಿನ ರೈಲು ಸೇವೆಯ ವೇಗವನ್ನು ಹೆಚ್ಚಿಸಲಿದೆ. ಈ ಉಭಯ ರೈಲು ಮಾರ್ಗಗಳಲ್ಲಿ ಗಂಟೆಗೆ 160 ಕಿ.ಮೀ. ವೇಗ ಕಲ್ಪಿಸಲು ಇದು ಅನುವು ಮಾಡಿಕೊಡಲಿದೆ.

ಈ ಯೋಜನೆ ಪೂರ್ಣಗೊಳ್ಳಲು 4 ವರ್ಷಗಳು ಬೇಕಾಗುವ ಸಾಧ್ಯತೆ ಇದೆ. ಈ ಯೋಜನೆಯಲ್ಲಿ ದಿಲ್ಲಿ-ಮುಂಬಯಿ ಮತ್ತು ದಿಲ್ಲಿ-ಕಲ್ಕತಾ ಮಾರ್ಗಗಳಲ್ಲಿ ಗಂಟೆಗೆ 160 ಕಿ.ಮೀ. ವೇಗದ ಜತೆಗೆ ಮುಂಬಯಿ ಅಹಮದಬಾದ್‌ ನಡುವೆ ಸಂಚರಿಸಲಿರುವ ಬುಲೆಟ್‌ ರೈಲು ಯೋಜನೆಯೂ ಇದರಲ್ಲಿ ಸೇರಿದೆ. ಬುಲೆಟ್‌ ರೈಲು ಗಂಟೆಗೆ 320 ಕಿ.ಮೀ. ವೇಗದಲ್ಲಿ ಸಂಚರಿಸಲಿದೆ. ಮುಂದಿನ 3 ವರ್ಷಗಳಲ್ಲಿ 68 ಸಾವಿರ ಬ್ರಾಡ್‌ಗೆàಜ್‌ ರೈಲು ಪಥ ವಿದ್ಯುತೀಕರಣಗೊಳ್ಳಲಿದೆ. ರೈಲುಗಳಲ್ಲಿ ಬಯೋ ಟಾಯ್ಲೆಟ್‌ ಸೇವೆ ವಿಸ್ತರಿಸಲಿದೆ.

ಈಗ ರೈಲುಗಳ ಗರಿಷ್ಠ ವೇಗ 99 ಕಿ.ಮೀ. ಇದ್ದು, ದಿಲ್ಲಿ-ವಾರಣಸಿ ನಡುವೆ ಸಂಚರಿಸುವ ವಂದೇ ಭಾರತ್‌ ರೈಲು ಮಾತ್ರ ಗಂಟೆಗೆ 104 ಕಿ.ಮೀ. ವೇಗದೊಂದಿಗೆ ಚಲಿಸುತ್ತಿದೆ. 160 ಕಿ.ಮೀ. ವೇಗದಲ್ಲಿ ರೈಲು ಸಂಚರಿಸಬೇಕಾದರೆ ಈಗಿರುವ ಪಥಗಳನ್ನು ಅಭಿವೃದ್ಧಿ ಪಡಿಸಬೇಕಾಗಿದೆ. ಇದರಲ್ಲಿ ಲೆವೆಲ್‌ ಕ್ರಾಸಿಂಗ್‌ಗಳು, ಸಿಗ್ನಲ್‌ಗ‌ಳು ಎಲ್ಲವೂ ಬದಲಾಗಬೇಕಾಗಿದೆ.