ಬೆಂಗಳೂರಿಗೆ ಬರಲಿದೆ ರಷ್ಯಾ ಜಿಪಿಎಸ್‌

Team Udayavani, Aug 26, 2019, 5:40 AM IST

ನವದೆಹಲಿ: ಭಾರತದ ಬಾಹ್ಯಾಕಾಶ ಸಂಸ್ಥೆ ಇಸ್ರೋ ಮತ್ತು ರಷ್ಯಾದ ಬಾಹ್ಯಾಕಾಶ ಸಂಸ್ಥೆ ರಾಸ್‌ಕಾಸ್ಮೋಸ್‌ ಪರಸ್ಪರ ಒಪ್ಪಂದ ಮಾಡಿಕೊಳ್ಳುವ ಬಗ್ಗೆ ಮಾತುಕತೆ ನಡೆಸುತ್ತಿದ್ದು, ಬೆಂಗಳೂರಿನಲ್ಲಿ ರಷ್ಯಾ ತನ್ನ ಉಪಗ್ರಹ ಆಧರಿತ ನ್ಯಾವಿಗೇಶನ್‌ ಕೇಂದ್ರವನ್ನು ತೆರೆಯಲು ಆಸಕ್ತಿ ವಹಿಸಿದೆ. ಇದೇ ವೇಳೆ ಭಾರತ ಕೂಡ ತನ್ನ ನ್ಯಾವಿಗೇಶನ್‌ ಕೇಂದ್ರವನ್ನು ರಷ್ಯಾದಲ್ಲಿ ತೆರೆಯಲಿದೆ ಎಂದು ಇಸ್ರೋ ಅಧ್ಯಕ್ಷ ಕೆ.ಶಿವನ್‌ ಹೇಳಿದ್ದಾರೆ. ಈಗಾಗಲೇ ಇಸ್ರೋದ ನ್ಯಾವಿಗೇಶನ್‌ ಕೇಂದ್ರವು ಬೆಂಗಳೂರಿನಲ್ಲಿದ್ದು, ರಷ್ಯಾ ಇಲ್ಲಿ ಕೇಂದ್ರ ಸ್ಥಾಪಿಸುವುದರಿಂದ ರಷ್ಯಾದ ಗ್ಲೊನಾಸ್‌ ಎಂಬ ನ್ಯಾವಿಗೇಶನ್‌ ವ್ಯವಸ್ಥೆ ಇನ್ನಷ್ಟು ನಿಖರವಾ ಗಲಿದೆ. ಜೊತೆಗೆ ತನ್ನ ಸೆಮಿ ಕ್ರಯೋಜೆನಿಕ್‌ ರಾಕೆಟ್ ಇಂಜಿನ್‌ ತಂತ್ರಜ್ಞಾನ ವನ್ನು ಇಸ್ರೋಗೆ ರಷ್ಯಾ ನೀಡಲಿದೆ.