ಶಬರಿಮಲೆ ಕ್ಷೇತ್ರ ಸೆಕ್ಸ್‌ ಟೂರಿಸಂ ತಾಣವಾಗುತ್ತೆ: ವಿವಾದಾತ್ಮಕ ಹೇಳಿಕ

Team Udayavani, Oct 15, 2017, 11:45 AM IST

ತಿರುವನಂತಪುರಂ: ವಿಶ್ವ ವಿಖ್ಯಾತ ಶಬರಿಮಲೆ ಅಯ್ಯಪ್ಪ ಸ್ವಾಮಿ ದೇಗುಲದೊಳಕ್ಕೆ ಮಹಿಳೆಯರು ಪ್ರವೇಶಿಸಲು ಅನುವು ಮಾಡಿದರೆ ಆ ಕ್ಷೇತ್ರದಲ್ಲಿ ಸೆಕ್ಸ್‌ ಟೂರಿಸಂ (ಲೈಂಗಿಕ ಪ್ರವಾಸೋದ್ಯಮ) ಆರಂಭವಾಗುವ ಅಪಾಯವಿದೆ ಎಂದು ತಿರುವಾಂಕೂರು ದೇವಸ್ವಂ ಮಂಡಳಿ (ಟಿಡಿಬಿ) ಅಧ್ಯಕ್ಷ ಪ್ರಯಾರ್‌ ಗೋಪಾಲ ಕೃಷ್ಣನ್‌ ವಿವಾದಾತ್ಮಕ ಹೇಳಿಕೆ ನೀಡಿದ್ದಾರೆ.

ಅನಾದಿ ಕಾಲದಿಂದಲೂ ಅಯ್ಯಪ್ಪ ದೇಗುಲಕ್ಕೆ 10ರಿಂದ 50 ವರ್ಷದೊಳಗಿನ ಹೆಣ್ಣುಮಕ್ಕಳಿಗೆ ಪ್ರವೇಶ ನಿರ್ಬಂಧಿಸಲಾಗಿದ್ದು, ಈ ನಿರ್ಬಂಧ ತೆರವು ವಿಚಾ ರಕ್ಕೆ ಸಂಬಂಧಿಸಿದ ಅರ್ಜಿಗಳ ವಿಚಾರ ಣೆಯನ್ನು ಶುಕ್ರವಾರವಷ್ಟೇ (ಅ. 13) ಸುಪ್ರೀಂ ಕೋರ್ಟ್‌ನ ತ್ರಿಸದಸ್ಯ ಪೀಠವು ಸಂವಿಧಾನ ಪೀಠಕ್ಕೆ ವರ್ಗಾಯಿಸಿದೆ.

ಈ ಹಿನ್ನೆಲೆಯಲ್ಲಿ ಹೇಳಿಕೆ ನೀಡಿರುವ ಟಿಡಿಬಿ ಅಧ್ಯಕ್ಷ ಗೋಪಾಲಕೃಷ್ಣನ್‌, “”ದೇಗುಲಕ್ಕೆ ಮಹಿಳೆಯರ ಪ್ರವೇಶ ವಾದರೆ ಶಬರಿಮಲೆ ಕ್ಷೇತ್ರ ಕೂಡ ಥಾಯ್ಲೆಂಡ್‌ ರೀತಿಯಲ್ಲಿ  ಸೆಕ್ಸ್‌ ಟೂರಿಸಂ ತಾಣವಾಗಿ ಪರಿವರ್ತನೆಗೊಳ್ಳುತ್ತದೆ” ಎಂದಿದ್ದಾರೆ. 
ಇದಕ್ಕೆ ತೀಕ್ಷ್ಣ ಪ್ರತಿಕ್ರಿಯೆ ನೀಡಿರುವ ಕೇರಳದ ಸಚಿವ ಸುರೇಂದ್ರನ್‌, “ಶಬರಿ ಮಲೆ ಯನ್ನು ಥಾಯ್ಲೆಂಡ್‌ಗೆ ಹೋಲಿಸು ವಂಥ ಹೇಳಿಕೆ ಮೂರ್ಖತನದ್ದು. ಕೋಟ್ಯಂತರ ಭಕ್ತರಿಗೆ ನೋವುಂಟು ಮಾಡುವ ಹೇಳಿಕೆ ನೀಡಿರುವ ಅವರು ತತ್‌ಕ್ಷಣ ಹೇಳಿಕೆ ಹಿಂಪಡೆದು ಕ್ಷಮೆ ಕೋರಬೇಕು” ಎಂದು ಆಗ್ರಹಿಸಿದ್ದಾರೆ.