ಶಶಿಕಲಾ ಏನೇ ಮಾಡಿದರೂ ಎಐಎಡಿಎಂಕೆ ಪಕ್ಷಕ್ಕೆ ಯಾವುದೇ ಪರಿಣಾಮ ಬೀರುವುದಿಲ್ಲ : ಪಳನಿಸ್ವಾಮಿ

ಎಐಎಡಿಎಂಕೆ ಪಕ್ಷಕ್ಕೆ ಹಾಗೂ ಶಶಿಕಲಾ ಅವರಿಗೂ ಯಾವುದೇ ಸಂಬಂಧವಿಲ್ಲ : ಪಳನಿಸ್ವಾಮಿ

Team Udayavani, Jun 30, 2021, 9:36 PM IST

Sasikala no longer with AIADMK, says Palaniswami after she releases new audio clip

ಚೆನ್ನೈ : ಶಶಿಕಲಾ ಮತ್ತು ಪಕ್ಷದ ಕೆಲವು ಸದಸ್ಯರ ನಡುವಿನ ಉದ್ದೇಶಿತ ಸಂಭಾಷಣೆಯ ಆಡಿಯೊ ಟೇಪ್‌ ಗಳನ್ನು ಬಿಡುಗಡೆ ಮಾಡಿದ ಕೆಲವೇ ದಿನಗಳಲ್ಲಿ ತಮಿಳುನಾಡಿನ ಮಾಜಿ ಕಾನೂನು ಸಚಿವ ಸಿ.ವಿ.ಷಣ್ಮುಗಂ ಅವರ ದೂರಿನ ಮೇರೆಗೆ ತಮಿಳುನಾಡು ಪೊಲೀಸರು ಉಚ್ಚಾಟಿತ ಎಐಎಡಿಎಂಕೆ ನಾಯಕಿ ವಿ.ಕೆ.ಶಶಿಕಲಾ ವಿರುದ್ಧ ಎಫ್ ಐ ಆರ್ ದಾಖಲು ಮಾಡಿದ ಬೆನ್ನಿಗೆ ಎಐಎಡಿಎಂಕೆ ಸಹ ಸಂಯೋಜಕ ಎಡಪಡ್ಡಿ ಕೆ ಪಳನಿಸ್ವಾಮಿ ಇಂದು(ಬುಧವಾರ, ಜೂನ್ 30) ತಮ್ಮ ದೂರವಾಣಿ ಸಂಭಾಷಣೆಗಳು 1.5 ಕೋಟಿ ಕಾರ್ಯಕರ್ತರನ್ನು ಹೊಂದಿರುವ ಪಕ್ಷಕ್ಕೆ ಯಾವುದೇ ಪರಿಣಾಮ ಬೀರುವುದಿಲ್ಲ ಎಂದು ಹೇಳಿದ್ದಾರೆ.

ನಾವು ಈಗಾಗಲೇ ಹೇಳಿದ ಹಾಗೆ ಶಶಿಕಲಾ ನಮ್ಮ ಪಕ್ಷಕ್ಕೆ ಸೇರಿದವರಲ್ಲ. ಅವರು ಏನೇ ಮಾತನಾಡಿದರೂ ನಮ್ಮ ಪಕ್ಷಕ್ಕೆ ಯಾವುದೇ ರೀತಿಯಲ್ಲಿ ಪರಿಣಾಮ ಬೀರುವುದಿಲ್ಲ.

“ಎಐಎಡಿಎಂಕೆ ಪಕ್ಷಕ್ಕೆ ಅವರೊಂದಿಗೆ ಯಾವುದೇ ಸಂಬಂಧವಿಲ್ಲ. ಅವರು ಎಐಎಡಿಎಂಕೆ ಕಾರ್ಯಕರ್ತೆ ಅಲ್ಲ ಮತ್ತು ಅವರು ಯಾರೊಂದಿಗೂ ಮಾತನಾಡಬಹುದು. ನಮಗೆ ಇದರಿಂದ ಯಾವ ತೊಂದರೆಯಾಗಿಲ್ಲ” ಎಂದಿದ್ದಾರೆ.

ಇದನ್ನೂ ಓದಿ : ರಾಮ ಮಂದಿರ ನಿರ್ಮಾಣ ಕಾಮಗಾರಿಯ ದೃಶ್ಯಗಳು ಉಪಗ್ರಹದಲ್ಲಿ ದಾಖಲು!

ಇನ್ನು, ಎಐಎಡಿಎಂಕೆ ಚುನಾವಣೆಯ ಸೋಲಿನ ನಂತರ, ಶಶಿಕಲಾ ಅವರು ಕಳೆದ ಒಂದು ತಿಂಗಳಲ್ಲಿ 100 ಕ್ಕೂ ಹೆಚ್ಚು ಆಡಿಯೊ ಕ್ಲಿಪ್‌ಗಳನ್ನು ಬಿಡುಗಡೆ ಮಾಡಿದ್ದಾರೆ.

ತನ್ನ ಇತ್ತೀಚಿನ ಆಡಿಯೊದಲ್ಲಿ ಶಶಿಕಲಾ, 11 ಶಾಸಕರ ಅನರ್ಹತೆಯನ್ನು ನಿಲ್ಲಿಸಿದ್ದಾಗಿ ಶಶಿಕಲಾ ಹೇಳಿಕೊಂಡಿದ್ದಾರೆ ಆದರೆ ಒ ಪನ್ನೀರ್ ಸೆಲ್ವಂ ಮತ್ತು ಎಡಪಡ್ಡಿ ಕೆ ಪಳನಿಸ್ವಾಮಿ ಜೊತೆಯಾದ ನಂತರ, 18 ಎಐಎಡಿಎಂಕೆ ಶಾಸಕರನ್ನು ಅನರ್ಹಗೊಳಿಸಿದ್ದಾರೆ ಎಂದಿದ್ದರು.

ಎಐಎಡಿಎಂಕೆ ವಿಲ್ಲುಪುರಂ ಉತ್ತರ ಜಿಲ್ಲಾ ಕಾರ್ಯದರ್ಶಿ ಷಣ್ಮುಗಂ ಅವರು ಜೂನ್ 9 ರಂದು ರೋಶನೈ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ. ಜೂನ್ 7 ರಂದು ಶಶಿಕಲಾ ವಿರುದ್ಧ ಹೇಳಿಕೆ ನೀಡಿದ್ದು, ಅವರನ್ನು ಮತ್ತೆ ಪಕ್ಷಕ್ಕೆ ಅನುಮತಿಸುವುದಿಲ್ಲ ಎಂದು ಹೇಳಿದ್ದರು.

ಈ ಬಗ್ಗೆ ಶಶಿಕಲಾ “ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ. ಆಕೆ “ತನ್ನ ಗೂಂಡಾಗಳನ್ನು ಕೊಲೆ ಬೆದರಿಕೆ ಹಾಕಲು ಪ್ರೇರೇಪಿಸಿದಳು” ಎಂದು ಷಣ್ಮುಗಂ ಆರೋಪಿಸಿದರು.

ಅವರು ತಮ್ಮ ಮೊಬೈಲ್ ಫೋನ್‌ಗಳಲ್ಲಿ 500 ಕ್ಕೂ ಹೆಚ್ಚು ಕರೆಗಳನ್ನು ಮತ್ತು ಇತರ ಸಾಮಾಜಿಕ ಮಾಧ್ಯಮ ಚಾನೆಲ್‌ಗಳ ಮೂಲಕ ಬೆದರಿಕೆಗಳನ್ನು ಸ್ವೀಕರಿಸಿದ್ದಾರೆ ಎಂದು ಅವರು ದೂರಿನಲ್ಲಿ ಹೇಳಿದ್ದರು.

ಇದನ್ನೂ ಓದಿ : 2022 ರಲ್ಲಿ ಉ. ಪ್ರದೇಶದಲ್ಲಿ ಪ್ರಜಾಪ್ರಭುತ್ವದ ಕ್ರಾಂತಿ ಸೃಷ್ಟಿ : ಅಖಿಲೇಶ್ ಯಾದವ್