The Accidental Prime Minister: ತುರ್ತು ವಿಚಾರಣೆ ಇಲ್ಲ: ಸುಪ್ರೀಂ

Team Udayavani, Jan 10, 2019, 12:02 PM IST

ಹೊಸದಿಲ್ಲಿ : ಇದೇ ಜನವರಿ 11ರಂದು ತೆರೆಕಾಣಲಿರುವ “ದಿ ಆ್ಯಕ್ಸಿಡೆಂಟಲ್‌ ಪ್ರೈಮ್‌ ಮಿನಿಸ್ಟರ್‌’ ಚಿತ್ರದ ಟ್ರೇಲರ್‌ ನಿಷೇಧಿಸಬೇಕೆಂದು ಕೋರಿ ಸಲ್ಲಿಸಲಾಗಿದ್ದ ಮನವಿಯನ್ನು ವಜಾ ಮಾಡಿದ್ದ ದಿಲ್ಲಿ ಹೈಕೋರ್ಟಿನ ಜ.7ರ ಆದೇಶವನ್ನು ಪ್ರಶ್ನಿಸಿ ಸಲ್ಲಿಸಲಾಗಿರುವ ಮೇಲ್ಮನವಿಯ ತುರ್ತು ವಿಚಾರಣೆ ಕೋರಿಕೆಯನ್ನು ಸುಪ್ರೀಂ ಕೋರ್ಟ್‌ ಇಂದು ಗುರುವಾರ ತಿರಸ್ಕರಿಸಿತು.

ಅರ್ಜಿಯು ಕ್ರಮ ಪ್ರಕಾರವಾಗಿ ಬಂದಾಗ ವಿಚಾರಣೆ ನಡೆಸಲಾಗುವುದು ಎಂದು ಜಸ್ಟಿಸ್‌ ಎ ಕೆ ಸಿಕ್ರಿ ನೇತೃತ್ವದ ಪೀಠ ಹೇಳಿತು. 

ಯುಪಿಎ ಆಡಳಿತಾವಧಿಯಲ್ಲಿ ಪ್ರಧಾನಿ ಮನಮೋಹನ್‌ ಸಿಂಗ್‌ ಅವರಿಗೆ ಮಾಧ್ಯಮ ಸಲಹೆಗಾರರಾಗಿದ್ದ ಸಂಜಯ್‌ ಬರು ಅವರು ಬರೆದಿದ್ದ  ಕೃತಿಯನ್ನು ಆಧರಿಸಿದ “ದಿ ಆ್ಯಕ್ಸಿಡೆಂಟಲ್‌ ಪ್ರೈಮ್‌ ಮಿನಿಸ್ಟರ್‌’ ಚಿತ್ರದಲ್ಲಿ ಡಾ. ಸಿಂಗ್‌ ಆಗಿ ಅನುಪಮ್‌ ಖೇರ್‌ ಕಾಣಿಸಿಕೊಂಡಿದ್ದಾರೆ.