ಶಬರಿಮಲೆ ತೀರ್ಪು: ಮೇಲ್ಮನವಿಗಳ ವಿಚಾರಣೆ ನ.13ಕ್ಕೆ ನಿಗದಿಸಿದ ಸುಪ್ರೀಂ

Team Udayavani, Oct 23, 2018, 11:47 AM IST

ಹೊಸದಿಲ್ಲಿ : ಎಲ್ಲ ವಯೋವರ್ಗದ ಮಹಿಳೆಯರಿಗೆ ದೇವಳ ಪ್ರವೇಶಾವಕಾಶ ಕಲ್ಪಿಸುವ ಶಬರಿಮಲೆ ತೀರ್ಪು ಪ್ರಶ್ನಿಸಿದ ಅರ್ಜಿಗಳ ವಿಚಾರಣೆಯನ್ನು ನವೆಂಬರ್‌ 13ರಂದು ನಡೆಸಲಾಗುವುದು ಎಂದು ಸುಪ್ರೀಂ ಕೋರ್ಟ್‌ ಇಂದು ಮಂಗಳವಾರ ಹೇಳಿದೆ. 

ವಕೀಲ ಮ್ಯಾಥ್ಯೂ ಜೆ ನೆಡುಂಪಾರಾ ಅವರ ಸಲ್ಲಿಸಿದ ಅರ್ಜಿಯ ವಿಚಾರಣೆಗೆ ಸಂಬಂಧಿಸಿದ ನಿರ್ಧಾರವನ್ನು ಇಂದು ಪ್ರಕಟಿಸಿದ ಸುಪ್ರೀಂ ಕೋರ್ಟ್‌ ವರಿಷ್ಠ ನ್ಯಾಯಮೂರ್ತಿ ರಂಜನ್‌ ಗೊಗೋಯ್‌ ಮತ್ತು ಜಸ್ಟಿಸ್‌ ಎಸ್‌ ಕೆ ಕೌಲ್‌ ಅವರನ್ನು ಒಳಗೊಂಡ ಪೀಠ, “ನ.13ಕ್ಕೆ  ಅರ್ಜಿಗಳ ಲಿಸ್ಟಿಂಗ್‌ ಗೆ ನಾವು ಈಗಾಗಲೇ ಆದೇಶಿಸಿದ್ದೇವೆ’ ಎಂದು ತಿಳಿಸಿತು.

ಶಬರಿಮಲೆ ತೀರ್ಪನ್ನು ಪ್ರಶ್ನಿಸಿ ಸಲ್ಲಿಸಲಾಗಿರುವ ಸುಮಾರು 19 ಅರ್ಜಿಗಳನ್ನು ಈಗಾಗಲೇ ನಮ್ಮ ಮುಂದಿವೆ; ರಾಷ್ಟ್ರೀಯ ಅಯ್ಯಪ್ಪ ಭಕ್ತರ ಸಂಘ ಮತ್ತು ಇತರರು ಸುಪ್ರೀಂ ತೀರ್ಪಿನ ಪುನರ್‌ ವಿಮರ್ಶೆಯನ್ನು ಕೋರಿರುವುದನ್ನು ನಾವು ಗಮನಿಸಿದ್ದೇವೆ ಎಂದು ನ್ಯಾಯಾಧೀಶರು ಹೇಳಿದರು.