ಐಐಟಿ ಕೌನ್ಸೆಲಿಂಗ್‌, ಸೇರ್ಪಡೆ : ಸುಪ್ರೀಂನಿಂದ ತಡೆಯಾಜ್ಞೆ ತೆರವು

Team Udayavani, Jul 10, 2017, 3:05 PM IST

ಹೊಸದಿಲ್ಲಿ : ಜೆಇಇ ಅಡ್ವಾನ್ಸ್‌ಡ್‌ ಪ್ರವೇಶ ಪರೀಕ್ಷೆಗೆ ಸಂಬಂಧಿಸಿದ ವಿಚಾರಗಳಲ್ಲಿ  ಐಐಟಿ ಮತ್ತು ಇತರ ಸಂಸ್ಥೆಗಳಿಗೆ ಕೌನ್ಸೆಲಿಂಗ್‌ ಮತ್ತು ಸೇರ್ಪಡೆ ಪ್ರಕ್ರಿಯೆಗೆ ನೀಡಲಾಗಿದ್ದ ತಡೆಯಾಜ್ಞೆಯನ್ನು ಸುಪ್ರೀಂ ಕೋರ್ಟ್‌ ಇಂದು ಸೋಮವಾರ ತೆರವು ಗೊಳಿಸಿದೆ.

 ಜು.7ರಂದು ನೀಡಲಾಗಿದ್ದ ತಡೆಯಾಜ್ಞೆಯನ್ನು ತೆರವುಗೊಳಿಸಿ ಹೊರಡಿಸಿರುವ ಆದೇಶದಲ್ಲಿ, ಜಸ್ಟಿಸ್‌ ದೀಪಕ್‌ ಮಿಶ್ರಾ ನೇತೃತ್ವದ ಪೀಠವು “ಈಗಿನ್ನು ಯಾವುದೇ ಹೈಕೋರ್ಟ್‌ ಈ ವಿಷಯಕ್ಕೆ ಸಂಬಂಧಿಸಿದ ಯಾವುದೇ ಅರ್ಜಿಗಳನ್ನು ವಿಚಾರಣೆಗೆ ಎತ್ತಿಕೊಳ್ಳಬಾರದು’ ಎಂದು ಸೂಚಿಸಿದೆ. 

ಇನ್ನು ಮುಂದೆ ಪ್ರಶ್ನೆ ಪತ್ರಿಕೆಗಳಲ್ಲಿ  ಪ್ರಶ್ನೆಗಳನ್ನು ಹೊಸೆಯುವಾಗ ತಪ್ಪಾಗಳಾಗಬಾರದು ಮತ್ತು ಪ್ರಶ್ನೆ ಪತ್ರಿಕೆಗಳ ಮುದ್ರಣದಲ್ಲಿ  ಲೋಪ ದೋಷಗಳು ನುಸುಳ ಬಾರದು ಎಂದು ಸುಪ್ರೀಂ ಕೋರ್ಟ್‌ ಹೇಳಿತು.