ದಿಲ್ಲಿ ಲಾಕ್ ಡೌನ್ ಸಡಿಲಿಕೆ: ಪ್ಲಂಬರ್ಸ್, ಎಲೆಕ್ಟ್ರಿಶಿಯನ್ಸ್, ತರಕಾರಿ ಮಾರಾಟಕ್ಕೆ ಅನುಮತಿ

Team Udayavani, Apr 28, 2020, 1:27 PM IST

ನವದೆಹಲಿ: ಕೋವಿಡ್ 19 ವೈರಸ್ ಮಹಾಮಾರಿ ಕುರಿತ ಪರಿಸ್ಥಿತಿಯ ಪುನರ್ ಅವಲೋಕನದ ಬಳಿಕ ದಿಲ್ಲಿಯಲ್ಲಿ ಲಾಕ್ ಡೌನ್ ಹಿನ್ನೆಲೆಯಲ್ಲಿ ಜಾರಿಗೊಳಿಸಿದ್ದ ನಿರ್ಬಂಧವನ್ನು ಸಡಿಲಗೊಳಿಸಿ ತರಕಾರಿ ಮಾರಾಟ, ಪ್ಲಂಬರ್ಸ್, ಎಲೆಕ್ಟ್ರಿಷಿಯನ್ಸ್ ಗೆ ಕೆಲಸ ಮಾಡಲು ಮಂಗಳವಾರದಿಂದ ಅನುಮತಿ ನೀಡಿರುವುದಾಗಿ ವರದಿ ತಿಳಿಸಿದೆ.

ದಿಲ್ಲಿಯ ವಿಪತ್ತು ನಿರ್ವಹಣಾ ಪ್ರಾಧಿಕಾರ(ಡಿಡಿಎಂಎ) ಸೋಮವಾರ ತಡರಾತ್ರಿ ಬಿಡುಗಡೆಗೊಳಿಸಿರುವ ಆದೇಶದ ಪ್ರಕಾರ, ಪಶು ಚಿಕಿತ್ಸಾಲಯ, ಶಾಲಾ ಪುಸ್ತಕ ಮಾರಾಟದ ಅಂಗಡಿ, ಔಷಧಾಲಯ, ಕ್ಲಿನಿಕ್ಸ್, ಪೆಥಾಲಜಿ ಪ್ರಯೋಗಾಲಯ ಮತ್ತು ಲಸಿಕೆ ಹಾಗೂ ಮೆಡಿಸಿನ್ ಮಾರಾಟ ಮತ್ತು ಸರಬರಾಜು ಮಾಡಲು ಅನುಮತಿ ನೀಡಿದೆ.

ಮಕ್ಕಳು, ವಿಕಲಚೇತನರು, ವಿಶೇಷಚೇತನ, ಹಿರಿಯ ನಾಗರಿಕರು, ಮಹಿಳೆಯರು, ವಿಧವೆಯರು ಮನೆಯಲ್ಲಿ ಕೆಲಸ ಮಾಡುವಂತೆ ಸರ್ಕಾರ ಅನುಮತಿ ನೀಡಿದೆ.

ಲಾಕ್ ಡೌನ್ ನಿರ್ಬಂಧದಿಂದ ಎಲ್ಲಾ ಮೆಡಿಕಲ್, ವೆಟರ್ ನಿಟಿ ಸಿಬ್ಬಂದಿಗಳು, ವಿಜ್ಞಾನಿಗಳು, ನರ್ಸ್, ಲ್ಯಾಬ್ ಟೆಕ್ನಿಶಿಯನ್ಸ್, ದಾದಿಯರು, ಆಸ್ಪತ್ರೆ ಸಿಬ್ಬಂದಿಗಳು, ಆ್ಯಂಬುಲೆನ್ಸ್ ಸೇವೆಗೆ ವಿನಾಯ್ತಿ ನೀಡಲಾಗಿದೆ.