ಎನ್ ಕೌಂಟರ್ ವೇಳೆ ಉಗ್ರರು ಪರಾರಿ: ಜಮ್ಮುವಿನಲ್ಲಿ ಕಟ್ಟೆಚ್ಚರ

Team Udayavani, Aug 17, 2022, 5:38 PM IST

ಜಮ್ಮು : ರಜೌರಿ ಜಿಲ್ಲೆಯಲ್ಲಿ ಭದ್ರತಾ ಪಡೆಗಳು ನಡೆಸಿದ ಎನ್ ಕೌಂಟರ್ ವೇಳೆ 2 ರಿಂದ 3 ಮಂದಿ ಉಗ್ರರು ಪರಾರಿಯಾಗಿದ್ದು, ಪ್ರದೇಶದಲ್ಲಿ ಭಾರಿ ಕಟ್ಟೆಚ್ಚರ ವಹಿಸಲಾಗಿದೆ.

ಉಗ್ರರ ಇರುವಿಕೆಯ ಖಚಿತ ಮಾಹಿತಿಯ ಮೇರೆಗೆ ಭದ್ರತಾ ಪಡೆಗಳು ಕಾರ್ಯಾಚರಣೆಗೆ ಇಳಿದಿದ್ದು, ಉಗ್ರರು ಭದ್ರತಾ ಪಡೆಗಳತ್ತ ಗುಂಡು ಹಾರಿಸಿ ಪರಾರಿಯಾಗಿದ್ದಾರೆ. ಭಾರಿ ಮಳೆ ಮತ್ತು ಪ್ರತೀಕೂಲ ವಾತಾವರಣವಿದ್ದ ಕಾರಣ ಉಗ್ರರನ್ನು ಸದೆಬಡಿಯಲು ಸಾಧ್ಯವಾಗಲಿಲ್ಲ ಎಂದು ಸೇನಾ ವಕ್ತಾರರು ತಿಳಿಸಿದ್ದಾರೆ.

ಈ ಪ್ರದೇಶದಲ್ಲಿ ಹೊಸ ದಾಳಿಗಳನ್ನು ಮಾಡಲು ಯತ್ನಿಸುತ್ತಿರುವ ಉಗ್ರರ ಪತ್ತೆಗಾಗಿ ಪಡೆಗಳು ಈಗ ಕಾರ್ಯಾಚರಣೆಯನ್ನು ತೀವ್ರಗೊಳಿಸಿದ್ದು,ಮಂಗಳವಾರ ರಜೌರಿ ನಗರದ ಸುತ್ತಲೂ, ವಿಶೇಷವಾಗಿ ಭದ್ರತಾ ಪಡೆಗಳ ಸುತ್ತಲಿನ ಇಬ್ಬರು ಶಂಕಿತ ವ್ಯಕ್ತಿಗಳ ಚಲನವಲನದ ದೃಷ್ಟಿಯಿಂದ ಭದ್ರತಾ ಪಡೆಗಳು ಮತ್ತು ಪೊಲೀಸರು ಹೆಚ್ಚಿನ ಎಚ್ಚರಿಕೆ ವಹಿಸಿದ್ದಾರೆ. ಸಿಸಿಟಿವಿ ಫೂಟೇಜ್‌ನಲ್ಲಿ ಒಬ್ಬ ಚೀಲವನ್ನು ಹೊತ್ತೊಯ್ಯುವುದು ಸೇರಿದಂತೆ ಇಬ್ಬರು ಶಂಕಿತ ವ್ಯಕ್ತಿಗಳನ್ನು ಏಜೆನ್ಸಿಗಳು ಗುರುತಿಸಿವೆ ಎಂದು

ಆಗಸ್ಟ್ 11 ರಂದು, ಇಬ್ಬರು ಭಯೋತ್ಪಾದಕರು ರಜೌರಿಯ ಸೇನಾ ಶಿಬಿರದ ಮೇಲೆ ದಾಳಿ ಮಾಡಿದ್ದರು, ಆತ್ಮಹತ್ಯಾ ದಾಳಿಯಲ್ಲಿ ನಾಲ್ವರು ಸೈನಿಕರು ಹುತಾತ್ಮರಾಗಿದ್ದರು, ಇದು ಮೂರು ವರ್ಷಗಳ ನಂತರ ಜಮ್ಮು ಮತ್ತು ಕಾಶ್ಮೀರದಲ್ಲಿ ‘ಫಿದಾಯೀನ್’ ಮರಳುವಿಕೆಯನ್ನು ಸೂಚಿಸಿತ್ತು. ಪಾಕ್ ಮೂಲದ ಜೆಇಎಂ ಸಂಘಟನೆಯ ಉಗ್ರರೆಂದು ನಂಬಲಾದ ಇಬ್ಬರೂ ಭಯೋತ್ಪಾದಕರನ್ನು ನಾಲ್ಕು ಗಂಟೆಗಳ ಕಾಲ ನಡೆದ ಗುಂಡಿನ ಚಕಮಕಿಯ ನಂತರ ಹೊಡೆದುರುಳಿಸಲಾಗಿತ್ತು.