Sanjay Rawat: “ಐಎನ್‌ಡಿಐಎ’ ಕೂಟ, ಅಘಾಡಿ ವಿಸರ್ಜಿಸಬೇಕು ಎಂದಿಲ್ಲ

Team Udayavani, Jan 13, 2025, 1:08 AM IST

ಮುಂಬಯಿ: ವಿಪಕ್ಷಗಳ ಐಎನ್‌ಡಿಐಎ ಕೂಟ ಹಾಗೂ ಮಹಾ ವಿಕಾಸ್‌ ಅಘಾಡಿಯನ್ನು(ಎಂವಿಎ) ವಿಸರ್ಜಿಸಬೇಕು ಎಂದು ಹೇಳಿಲ್ಲ. ಬದಲಿಗೆ, ಸ್ಥಳೀಯವಾಗಿ ತನ್ನ ನೆಲೆ ಭದ್ರಗೊಳಿಸಲು ಪಂಚಾಯತ್‌ ಚುನಾ­ವಣೆಗಳಲ್ಲಿ ಉದ್ಧವ್‌ ಠಾಕ್ರೆ ನೇತೃತ್ವದ ಶಿವಸೇನೆ ಏಕಾಂಗಿಯಾಗಿ ಸ್ಪರ್ಧಿಸಲಿದೆ ಎಂದು ಆ ಪಕ್ಷದ ಮುಖಂಡ ಸಂಜಯ್‌ ರಾವತ್‌ ಹೇಳಿದ್ದಾರೆ. ಮಹಾರಾಷ್ಟ್ರದಲ್ಲೂ ವಿಪಕ್ಷಗಳ ಮೈತ್ರಿ ಅಂತ್ಯವಾಗಲಿದೆ ಎಂಬ ವರದಿಗಳ ಹಿನ್ನೆಲೆಯಲ್ಲಿ ಅವರು ಈ ಸ್ಪಷ್ಟನೆ ನೀಡಿದ್ದಾರೆ.

ಐಎನ್‌ಡಿಐಎಯಲ್ಲಿ ಬಿರುಕಿಲ್ಲ, ಇದೆಲ್ಲ ಸುಳ್ಳು: ಅಖಿಲೇಶ್
ವಿಪಕ್ಷ ಕೂಟದಲ್ಲಿ ಆಂತರಿಕವಾಗಿ ಬಿರುಕು ಮೂಡಿ ಮೈತ್ರಿ ಅಂತ್ಯವಾಗಲಿದೆ ಎಂಬ ಚರ್ಚೆಯ ನಡುವೆಯೇ ಮೈತ್ರಿಯ ಭಾಗವಾದ ಸಮಾಜವಾದಿ ಪಕ್ಷದ ಮುಖಂಡ ಅಖಿಲೇಶ್ ಯಾದವ್‌ ಇದು ಸುಳ್ಳು ಎಂದು ಅಲ್ಲಗಳೆದಿದ್ದಾರೆ. ರವಿವಾರ ಈ ಬಗ್ಗೆ ಮಾತನಾಡಿದ ಅಖಿಲೇಶ್ ಯಾದವ್‌, ಐಎನ್‌ಡಿಐಎ ಮೈತ್ರಿಕೂಟ ಹಾಗೆಯೇ ಇದೆ. ಬಿಜೆಪಿ ವಿರುದ್ಧ ಸ್ಥಳೀಯ ಪಕ್ಷಗಳು ಒಗ್ಗಟ್ಟಿನಿಂದ ಸ್ಪರ್ಧಿಸಲು ಅನುಕೂ ಲವಾಗಲು ಮೈತ್ರಿಕೂಟ ರಚಿಸಲಾಗಿದೆ’ ಎಂದರು.