ಗಂಗಾ ಸ್ನಾನಕ್ಕೆ ಇಳಿದ ಒಂದೇ ಕುಟುಂಬದ ಏಳು ಮಂದಿಯ ದಾರುಣ ಸಾವು

Team Udayavani, Jun 11, 2019, 12:10 PM IST

ಅಮ್‌ರೋಹಾ : ಉತ್ತರ ಪ್ರದೇಶದ ಅಮ್‌ರೋಹಾ ಜಿಲ್ಲೆಯಲ್ಲಿನ ಬ್ರಿಜ್‌ಘಾಟ್‌ ನಲ್ಲಿ ಗಂಗಾನದಿಯಲ್ಲಿ ಸ್ನಾನ ಮಾಡಲು ಇಳಿದ ಇಬ್ಬರು ಮಕ್ಕಳ ಸಹಿತ ಒಂದೇ ಕುಟುಂಬದ ಏಳು ಮಂದಿ ಮುಳುಗಿ ಮೃತಪಟ್ಟ ದಾರುಣ ಘಟನೆ ವರದಿಯಾಗಿದೆ.

ನಿನ್ನೆ ಸೋಮವಾರ ಈ ದುರ್ಘ‌ಟನೆ ನಡೆದುದನ್ನು ಅನುಸರಿಸಿ ಐದು ಮೃತ ದೇಹಗಳನ್ನು ಮೇಲೆತ್ತಲಾಗಿದೆ; ಇಬ್ಬರು ನಾಪತ್ತೆಯಾಗಿದ್ದಾರೆ ಎಂದು ಪೊಲೀಸರು ಇಂದು ಮಂಗಳವಾರ ತಿಳಿಸಿದ್ದಾರೆ.

ಈ ಕುಟುಂಬ ಲುಹಾರಿ ಗ್ರಾಮದ್ದಾಗಿದ್ದು ಮೃತರ ಹೆಸರು ಇಂತಿದೆ : ಬಂಟಿ 21, ಸಂಜೀವ್‌ 18, ವಿಪಿನ್‌ 21, ಮನೋಜ್‌ 20, ಸಂಜೀವ 17. ನಾಪತ್ತೆಯಾಗಿರುವವರು : ಗೌತಮ್‌ 20, ಧರ್ಮೇಂದ್ರ 16.

ಈ ಕುಟುಂಬದ ಸದಸ್ಯರು ಕೇಶ ಮುಂಡನದ ಬಳಿಕ ಗಂಗಾ ಸ್ನಾನಕ್ಕಾಗಿ ನದಿಗೆ ಇಳಿದಿದ್ದರು. ಆಗ ಇಬ್ಬರು ಆಕಸ್ಮಿಕವಾಗಿ ಒಡನೆಯೇ ಮುಳುಗಿದರು; ಅವರನ್ನು ಬದುಕಿಸಲು ಉಳಿದವರು ನದಿಗೆ ಹಾರಿದರು ಎಂದು ಸರ್ಕಲ್‌ ಆಫೀಸರ್‌ ಮೋನಿಕಾ ಯಾದವ್‌ ತಿಳಿಸಿದರು.