shebox; ಮಹಿಳೆಯರ ರಕ್ಷಣೆಗೆ ಶೀ-ಬಾಕ್ಸ್‌ ಜಾಲತಾಣ: ದೂರು ದಾಖಲು ವಿಧಾನ ಹೇಗೆ ?

Team Udayavani, Aug 31, 2024, 6:50 AM IST

ಹೊಸದಿಲ್ಲಿ: ಕೇರಳ ಚಿತ್ರರಂಗದಲ್ಲಿ “ಮೀಟೂ’ ಚಳವಳಿ ಆಕ್ರೋಶ ಹಬ್ಬಿರುವ ನಡುವೆಯೇ ಕೇಂದ್ರ ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಸಚಿವಾಲಯವು “ಶೀ- ಬಾಕ್ಸ್‌’ ಎನ್ನುವ ಪೋರ್ಟಲ್‌ ಆರಂಭಿ ಸಿದೆ. ಉದ್ಯೋಗ ಸ್ಥಳಗಳಲ್ಲಿ ಮಹಿಳೆ ಯರ ಮೇಲಾಗುವ ಲೈಂಗಿಕ ಕಿರುಕುಳ ದೂರು ದಾಖಲಿಸಲು ಹಾಗೂ ಅವು ಗಳನ್ನು ಪರಿಶೀಲಿಸುವುದಕ್ಕಾ ಗಿಯೇ ಈ ಪೋರ್ಟಲ್‌ ಅಭಿವೃದ್ಧಿ ಪಡಿಸಲಾಗಿದೆ.

ಏನಿದು ಶೀ-ಬಾಕ್ಸ್‌ ಪೋರ್ಟಲ್‌?
ಸರಕಾರಿ ಮತ್ತು ಖಾಸಗಿ ವಲಯಗಳಲ್ಲಿ ಮಹಿಳೆಯರ ಸುರಕ್ಷತೆಗೆ ರಚಿಸಲಾದ ಆಂತರಿಕ ಸಮಿತಿ (ಐಸಿ) ಮತ್ತು ಸ್ಥಳೀಯ ಸಮಿತಿಗೆ (ಎಲ್‌ಸಿ) ಸಂಬಂಧಿ ಸಿದ ಮಾಹಿತಿಯನ್ನು ಈ ಪೋರ್ಟಲ್‌ ಒದಗಿಸಲಿದೆ. ದೂರುಗಳನ್ನು ದಾಖಲಿ ಸಲು ಸಾಮಾನ್ಯ ವೇದಿಕೆಯಾಗಿಯೂ ಕಾರ್ಯನಿರ್ವಹಿಸಲಿದೆ.

ದೂರು ದಾಖಲು ವಿಧಾನ ಹೇಗೆ ?
https://shebox.wcd.gov.in/ ಮೂಲಕ ಶೀ- ಬಾಕ್ಸ್‌ ಲಾಗಿನ್‌ ಆಗಿ
ರಿಜಿಸ್ಟರ್‌ ಯುವರ್‌ ಕಂಪ್ಲೇಂಟ್‌ ಆಯ್ಕೆ ಮಾಡಿ.
ಕೇಂದ್ರ ಸರಕಾರದ ಕಚೇರಿ ಆಯ್ಕೆಯನ್ನು ಆಯ್ದುಕೊಳ್ಳಿ
ಇಲಾಖೆಗಳ ಪಟ್ಟಿಯಲ್ಲಿ ಸಂಬಂಧಪಟ್ಟಿದ್ದಕ್ಕೆ ಕ್ಲಿಕ್ಕಿಸಿ
ಪಟ್ಟಿಯಲ್ಲಿ ಕೇಳಲಾದ ಅಗತ್ಯ ದಾಖಲೆ, ಮಾಹಿತಿಯನ್ನು ಭರ್ತಿ ಮಾಡಿ, ದೂರು ದಾಖಲಿಸಿ