ಶಿವಕಾಶಿ: ಪಟಾಕಿ ಕಾರ್ಖಾನೆ ಅನಿರ್ದಿಷ್ಟಾವಧಿ ಮುಷ್ಕರ 2ನೇ ದಿನಕ್ಕೆ

Team Udayavani, Dec 27, 2017, 12:13 PM IST

ಶಿವಕಾಶಿ, ತಮಿಳು ನಾಡು : ಸುಡು ಮದ್ದುಗಳನ್ನು ಪರಿಸರ ರಕ್ಷಣಾ ಕಾಯಿದೆಯ ವ್ಯಾಪ್ತಿಯಿಂದ ಹೊರಗಿಡಲು ಕಾಯಿದೆಗೆ ತಿದ್ದುಪಡಿ ತರಬೇಕೆಂದು ಆಗ್ರಹಿಸಿ ಈ ಸುಪ್ರಸಿದ್ಧ ನಗರದಲ್ಲಿನ ವಿವಿಧ ಪಟಾಕಿ ಕಾರ್ಖಾನೆಗಳು ನಡೆಸುತ್ತಿರುವ ಅನಿರ್ದಿಷ್ಟಾವಧಿ ಮುಷ್ಕರ ಇಂದು ಬುಧವಾರ ಎರಡನೇ ದಿನ ತಲುಪಿದೆ.

ದೇಶಾದ್ಯಂತದ ಸುಮಾರು 860ಕ್ಕೂ ಹೆಚ್ಚು ಪಟಾಕಿ ಉತ್ಪಾದನಾ ಕಾರ್ಖಾನೆಗಳು ನಿನ್ನೆ ಮಂಗಳವಾರದಿಂದ ತಮ್ಮ ಉತ್ಪನ್ನಗಳನ್ನು ಪರಿಸರ ಸಂರಕ್ಷಣೆ ಕಾಯಿದೆ ವ್ಯಾಪ್ತಿಯಿಂದ ಹೊರಗಿಡುವಂತೆ ಆಗ್ರಹಿಸಿ ಅನಿರ್ದಿಷ್ಟಾವಧಿ ಬಂದ್‌ ಮುಷ್ಕರ್‌ ಆರಂಭಿಸಿವೆ. 

ದೇಶಾದ್ಯಂತ ಪಟಾಕಿಗಳ ಮಾರಾಟ, ಹೊಂದುವಿಕೆ ಮತ್ತು ಸುಡುವುದರ ಮೇಲಿನ ನಿಷೇಧ ಸೇರಿದಂತೆ ವಾಯು ಮಾಲಿನ್ಯ ತಡೆಗೆ ಹಲವಾರು ಕ್ರಮಗಳನ್ನು ಕೈಗೊಳ್ಳಬೇಕೆಂದು ಆಗ್ರಹಿಸುವ ಮನವಿಯನ್ನು ಸುಪ್ರೀಂ ಕೋರ್ಟ್‌ ತ್ವರಿತವಾಗಿ ವಿಚಾರಣೆ ಮಾಡಬೇಕು ಎಂದು ಈ ಕಾರ್ಖಾನೆಗಳ ಸಂಘಟನೆ ಒತ್ತಾಯಿಸಿದೆ.