ಯೋಧನ ಬಂಧನ

Team Udayavani, Oct 18, 2018, 10:47 AM IST

ಮೀರತ್‌: ಬ್ರಹ್ಮೋಸ್‌ ಕ್ಷಿಪಣಿ ಬಗ್ಗೆ ಪಾಕಿಸ್ಥಾನದ ವ್ಯಕ್ತಿಗೆ ಹತ್ತು ತಿಂಗಳಿಂದ ಮಾಹಿತಿ ನೀಡುತ್ತಿದ್ದಾನೆ ಎಂಬ ಆರೋಪಕ್ಕೆ ಸಂಬಂಧಿಸಿದಂತೆ ಉತ್ತರ ಪ್ರದೇಶದ ಮೀರತ್‌ನಲ್ಲಿ ಸೈನಿಕನನ್ನು ಬಂಧಿಸಲಾಗಿದೆ. ಸೇನೆಯ ಗುಪ್ತಚರ ವಿಭಾಗ ಈ ಕಾರ್ಯಾಚರಣೆ ನಡೆಸಿದೆ. ವಾಟ್ಸ್‌ ಆ್ಯಪ್‌ ಹಾಗೂ ಇತರ ವಿಧಾನಗಳ ಮೂಲಕ ಮಾಹಿತಿ ಹಂಚಿಕೊಳ್ಳುತ್ತಿದ್ದ. ಆದರೆ ಯಾವ ರೀತಿಯ ಮಾಹಿತಿ ನೀಡಿದ್ದಾನೆ ಎಂಬ ಬಗ್ಗೆ ತನಿಖೆ ನಡೆಸಲಾಗುತ್ತಿದೆ. ಈತ ಉತ್ತರಾಖಂಡದವನಾಗಿದ್ದು, ಮೀರತ್‌ನ ಸೇನಾ ನೆಲೆಗೆ ನಿಯೋಜಿಸಲಾಗಿತ್ತು. ಇತ್ತೀಚೆಗಷ್ಟೇ ಬ್ರಹ್ಮೋಸ್‌ ಕ್ಷಿಪಣಿ ಮಾಹಿತಿ ಸೋರಿಕೆ ಆರೋಪಕ್ಕೆ ಸಂಬಂಧಿಸಿ ಎಂಜಿನಿಯರ್‌ ಒಬ್ಬನನ್ನು ಬಂಧಿಸಲಾಗಿತ್ತು.