“ಐಐಟಿ ಪದವಿ ಇದ್ದರೂ ಅನಕ್ಷರಸ್ಥ’: ಕೇಜ್ರಿವಾಲ್‌ಗೆ ಸಕ್ಸೇನಾ ಪರೋಕ್ಷ ಚಾಟಿ

Team Udayavani, Apr 10, 2023, 6:23 AM IST

ನವದೆಹಲಿ: ಪ್ರಧಾನಿ ನರೇಂದ್ರಮೋದಿ ಅವರ ವಿದ್ಯಾರ್ಹತೆ ಕುರಿತು ಪದೇ ಪದೆ ಟೀಕೆ ಮಾಡುವ ದೆಹಲಿ ಸಿಎಂ ಅರವಿಂದ್‌ ಕೇಜ್ರಿವಾಲ್‌ಗೆ ದೆಹಲಿ ಲೆಫ್ಟಿನೆಂಟ್‌ ಗವರ್ನರ್‌ ವಿ.ಕೆ.ಸಕ್ಸೇನಾ ತಿರುಗೇಟು ನೀಡಿದ್ದು, ಕೆಲವರು ಐಐಟಿ ಪದವೀಧರರಾಗಿದ್ದರೂ ಅನಕ್ಷರಸ್ಥರಾಗಿಯೇ ಉಳಿದಿರುತ್ತಾರೆ ಎಂದಿದ್ದಾರೆ.

ವಿಧಾನಸಭೆಯಲ್ಲಿ ಪದವಿ ವಿಚಾರವಾಗಿ ಮೋದಿ ಅವರನ್ನು ಸಿಎಂ ಟೀಕಿಸಿದ್ದರ ಬಗ್ಗೆ ಮಾಧ್ಯಮಗಳ ಪ್ರಶ್ನೆಗೆ ಸಕೇÕನಾ ಉತ್ತರಿಸಿದ್ದಾರೆ.”ಯಾರೂ ನಾವು ಪಡೆದುಕೊಂಡಿರುವ ಪದವಿಗಳ ಬಗ್ಗೆ ಗರ್ವ ಹೊಂದಿರಬಾರದು. ಡಿಗ್ರಿ ಒಂದು ಪೇಪರಿನ ತುಂಡಷ್ಟೇ. ನಿಜವಾದ ಪದವಿ ನಿಮ್ಮ ನಡತೆ ಮತ್ತು ನಿಮ್ಮ ಜ್ಞಾನ.

ಮಾನ್ಯ ಮುಖ್ಯಮಂತ್ರಿ ವಿಧಾನಸಭೆಯಲ್ಲಾಡಿದ ಮಾತುಗಳ ಬಗ್ಗೆ ತಿಳಿದುಕೊಂಡೆ. ಕೆಲ ದಿನಗಳಿಂದ ಕೆಲವರ ವರ್ತನೆಗಳನ್ನು ಗಮನಿಸುತ್ತಲೂ ಇದ್ದೇನೆ. ಕೆಲವರು ಐಐಟಿ ಪದವಿ ಪಡೆದಿದ್ದರು ಇನ್ನೂ ಅನಕ್ಷರಸ್ಥರಾಗಿಯೇ ಇದ್ದಾರೆ’ ಎಂದು ಹೇಳಿದ್ದಾರೆ.