ರೈತ ಮಹಿಳೆಯರ ಆಸೆ ಪೂರೈಸಿದ ಸೋನಿಯಾ ಗಾಂಧಿ!

Team Udayavani, Jul 17, 2023, 7:45 AM IST

ಚಂಡೀಗಢ: ಇತ್ತೀಚೆಗಷ್ಟೇ ಹರ್ಯಾಣದಲ್ಲಿ ಕಾಂಗ್ರೆಸ್‌ ನಾಯಕ ರಾಹುಲ್‌ ಗಾಂಧಿ, ರೈತರೊಂದಿಗೆ ನಾಟಿ ಮಾಡಿದ್ದು ಗೊತ್ತೇ ಇದೆ. ಈ ವೇಳೆ ರೈತ ಮಹಿಳೆಯರು ತಮ್ಮ ಆಸೆಯೊಂದನ್ನು ರಾಹುಲ್‌ ಮುಂದೆ ಬಿಚ್ಚಿಟ್ಟಿದ್ದರು. ಮಹಿಳೆಯರ ಆ ಆಸೆಯನ್ನು ಸ್ವತಃ ಕಾಂಗ್ರೆಸ್‌ ನಾಯಕಿ ಸೋನಿಯಾ ಗಾಂಧಿ ಈಡೇರಿಸಿದ್ದಾರೆ!

ರೈತ ಮಹಿಳೆಯರೊಟ್ಟಿಗೆ ತಾವೇ ಭೋಜನ ಸವಿದು, ಡಾನ್ಸ್‌ ಕೂಡ ಮಾಡಿದ್ದಾರೆ. ಈ ವಿಡಿಯೋ ಈಗ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ವೈರಲ್‌ ಆಗಿದೆ.

ಹೌದು, ಹರ್ಯಾಣದಲ್ಲಿ ರಾಹುಲ್‌ ಅವರನ್ನು ಭೇಟಿಯಾಗಿದ್ದ ಮಹಿಳೆಯರು ತಾವು ದೆಹಲಿ ಸುತ್ತಬೇಕು, ರಾಹುಲ್‌ ಅವರ ಮನೆಯನ್ನು ನೋಡಬೇಕು ಎಂದು ಆಸೆ ವ್ಯಕ್ತಪಡಿಸಿದ್ದರು.

ಆದರೆ, ಸರ್ಕಾರ ಈಗಾಗಲೇ ತಮ್ಮ ಮನೆಯನ್ನು ವಾಪಸ್‌ ಪಡೆದಿದೆ ಎಂದು ರಾಹುಲ್‌ ತಿಳಿಸಿದ್ದರು. ಬಳಿಕ ಸೋನಿಯಾ ಗಾಂಧಿ ಅವರೇ ಸ್ವತಃ ರೈತ ಮಹಿಳೆಯರಿಗಾಗಿ ವಾಹನ ಸಿದ್ಧಗೊಳಿಸಿ, ಅವರನ್ನೆಲ್ಲ ತಮ್ಮ ನಿವಾಸಕ್ಕೆ ಕರೆಸಿ, ಔತಣ ಕೂಟ ಏರ್ಪಡಿಸಿದ್ದಾರೆ.

Women farmers from Haryana had expressed their desire to @RahulGandhi to see Delhi and his house. He told them that the Govt has taken away his house.

But just see what happened next.

This video is pure joy! ❤️ pic.twitter.com/1cqAeSW5xg

— Ruchira Chaturvedi (@RuchiraC) July 16, 2023

ಮಹಿಳೆಯರಿಗೆ ದೆಹಲಿ ತೋರಿಸಿದ್ದಲ್ಲದೇ, ಅವರೊಟ್ಟಿಗೆ ಊಟ ಮಾಡಿ, ಡಾನ್ಸ್‌ ಕೂಡ ಮಾಡಿದ್ದಾರೆ. ಕಾಂಗ್ರೆಸ್‌ ಪ್ರಧಾನ ಕಾರ್ಯದರ್ಶಿ ಪ್ರಿಯಾಂಕಾ ವಾದ್ರಾ ಅವರೂ ಮಹಿಳೆಯರನ್ನು ಆದರಿಸಿದ್ದಾರೆ.