ಸ್ಕೂಟಿಗೆ ಟ್ರಕ್‌ ಢಿಕ್ಕಿ: ಅಜ್ಜ ಸಾವು, 6 ರ ಬಾಲಕನನ್ನು 2 ಕಿ.ಮೀ ಎಳೆದೊಯ್ದ ಚಾಲಕ

Team Udayavani, Feb 26, 2023, 2:30 PM IST

ಲಕ್ನೋ:  ಟ್ರಕ್‌ ವೊಂದು ಸ್ಕೂಟಿಗೆ ಢಿಕ್ಕಿ ಹೊಡೆದು ಇಬ್ಬರು ಮೃತಪಟ್ಟ ಘಟನೆ ಉತ್ತರ ಪ್ರದೇಶದ ಮಹೋಬಾದ ಕಾನ್ಪುರ-ಸಾಗರ್ ರಾ. ಹೆದ್ದಾರಿ 86 ರಲ್ಲಿ ನಡೆದಿದೆ.

ಸ್ಕೂಟಿಯಲ್ಲಿ ಮಾರುಕಟ್ಟೆಗೆ ಅಜ್ಜ ಉದಿತ್ ನಾರಾಯಣ್ ಚಾನ್ಸೋರಿಯಾ (67) ತನ್ನ  6 ವರ್ಷದ ಮೊಮ್ಮಗ ಸಾತ್ವಿಕ್ ಅವರನ್ನು ಕೂರಿಸಿಕೊಂಡು ಹೋಗುತ್ತಿದ್ದರು. ಈ ವೇಳೆ ಟ್ರಕ್‌ ವೊಂದು ವೇಗವಾಗಿ ಬಂದು ಸ್ಕೂಟಿಗೆ ಢಿಕ್ಕಿ ಹೊಡೆದಿದೆ. ಪರಿಣಾಮ ಹಿರಿಯ ಜೀವ ಉದಿತ್‌ ನಾರಾಯಣ್‌ ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ.

ಇದನ್ನೂ ಓದಿ: ಮಗು ಹೆತ್ತ ಬಳಿಕ ಕೈ, ಕಾಲುಗಳನ್ನೇ ಕಳೆದುಕೊಂಡ ಮಹಿಳೆ: ಏನಿದು ಸೆಪ್ಟಿಕ್‌ ಶಾಕ್?

ಅಪಘಾತ ತೀವ್ರತೆಗೆ ಸ್ಕೂಟಿ ಟ್ರಕ್‌ ನಡಿಯಲ್ಲೇ ಸಿಲುಕಿಗೊಂಡಿದ್ದು, ಅದರಲ್ಲಿ ಪುಟ್ಟ ಬಾಲಕ ಸಾತ್ವಿಕ್‌ ಸಿಕ್ಕಾಕಿಕೊಂಡಿದ್ದಾನೆ.  ಇಷ್ಟೆಲ್ಲಾ ಆದರೂ ಟ್ರಕ್‌ ಚಾಲಕ ಮಾತ್ರ ಇದನ್ನು ನಿರ್ಲಕ್ಷಿಸಿ ಸ್ಕೂಟಿ ಸಹಿತ ಬಾಲಕನನ್ನು 2 ಕಿ.ಮೀ ಎಳೆದೊಯ್ದಿದ್ದಾನೆ. ಪರಿಣಾಮ ಬಾಲಕ ಕೂಡ ಮೃತಪಟ್ಟಿದ್ದಾನೆ.

ಅಕ್ಕಪಕ್ಕ ಹೋಗುತ್ತಿದ್ದ ಸವಾರರು ಎಷ್ಟು ಹೇಳಿದರೂ ಟ್ರಕ್‌ ನಿಲ್ಲಿಸದೆ ಚಾಲಕ ಹೋಗಿದ್ದಾನೆ. ರಸ್ತೆಯಲ್ಲಿ ಕಲ್ಲುಗಳನ್ನು ಇಟ್ಟು ಟ್ರಕ್‌ ನ್ನು ನಿಲ್ಲಿಸಿದ್ದಾರೆ. ಸದ್ಯ ಟ್ರಕ್‌ ಚಾಲಕನನ್ನು ಸ್ಥಳೀಯರು ಥಳಿಸಿ, ಪೊಲೀಸರಿಗೆ ಒಪ್ಪಿಸಿದ್ದಾರೆ. ಟ್ರಕ್‌ ಜಪ್ತಿ ಮಾಡಿದ್ದಾರೆ.