ಎರಡು ದಿನಗಳ ಬಳಿಕ ತೆರೆಯಲ್ಪಟ್ಟ ಜಮ್ಮು-ಶ್ರೀನಗರ ಹೆದ್ದಾರಿ

Team Udayavani, Dec 14, 2017, 11:53 AM IST

ಶ್ರೀನಗರ :  ಹಿಮಪಾತ, ಮಳೆಯಿಂದಾಗಿ ವಿವಿಧೆಡೆ ಉಂಟಾದ ಭೂಕುಸಿತಗಳ ಪರಿಣಾಮವಾಗಿ ಕಳೆದ ಎರಡು ದಿನಗಳಿಂದ ಮುಚ್ಚಲ್ಪಟ್ಟಿದ್ದ  ಶ್ರೀನಗರ – ಜಮ್ಮು ರಾಷ್ಟ್ರೀಯ ಹೆದ್ದಾರಿಯನ್ನು ಇಂದು ಗುರುವಾರ ಮತ್ತೆ ವಾಹನ ಸಂಚಾರಕ್ಕೆ ತೆರೆಯಲಾಗಿದೆ. 

ಆದರೆ 300 ಕಿ.ಮೀ. ಉದ್ದದ ಈ ಹೆದ್ದಾರಿಯಲ್ಲಿ ಸದ್ಯಕ್ಕೆ ಒನ್‌ ವೇ ಟ್ರಾಫಿಕ್‌ ಸಂಚಾರಕ್ಕೆ ಮಾತ್ರವೇ ಅನುಮತಿ ನೀಡಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಭೂಕುಸಿತ, ಹೆದ್ದಾರಿಯಲ್ಲಿ ಶೇಕರಣೆಯಾಗಿರುವ ಕಲ್ಲು – ಮಣ್ಣು ಇತ್ಯಾದಿಗಳನ್ನು ತೆರವುಗೊಳಿಸುವುದಕ್ಕಾಗಿ ಕಳೆದ ಎರಡು ದಿನಗಳ ಕಾಲ ಹೆದ್ದಾರಿಯನ್ನು ಮುಚ್ಚಲಾಗಿತ್ತು. ತೆರವು ಕಾರ್ಯಾಚರಣೆ ಮುಗಿದಿದೆಯಾರೂ ಪ್ರತಿಕೂಲ ಹವಾಮಾನದ ಕಾರಣ ಒನ್‌ ವೇ ಟ್ರಾಫಿಕ್‌ ಗೆ ಮಾತ್ರ ಅವಕಾಶ ಕಲ್ಪಿಸಲಾಗಿದೆ. ಯಾರೂ ಎಲ್ಲಿಯೂ, ಮುಖ್ಯವಾಗಿ ಗುಡ್ಡ ಜರಿತ ಉಂಟಾದೆಡೆಗಳಲ್ಲಿ , ಸುರಕ್ಷೆಯ ದೃಷ್ಟಿಯಿಂದ ತಮ್ಮ ವಾಹನಗಳನ್ನು ರಸ್ತೆ ಬದಿ ಪಾರ್ಕ್‌ ಮಾಡಬಾರದು ಎಂಬ ಕಟ್ಟುನಿಟ್ಟಿನ ಸೂಚನೆಯನ್ನು ಅಧಿಕಾರಿಗಳು ನೀಡಿದ್ದಾರೆ.