ಟೊಯೊಟಾ ಡೀಲರ್‌ಶಿಪ್‌ ಮಾಲಕಿಯ ಆತ್ಮಹತ್ಯೆ

Team Udayavani, Sep 14, 2019, 5:45 AM IST

ಚೆನ್ನೈ: ತಮಿಳುನಾಡಿನಲ್ಲಿ ಪ್ರತಿಷ್ಠಿತ ಟೊಯೊಟೊ ಕಂಪೆನಿಯ ಡೀಲರ್‌ಶಿಪ್‌ ಪಡೆದು ಅಲ್ಲಿನ ಬಹುತೇಕ ನಗರಗಳಲ್ಲಿ ಟೊಯೊಟಾ ಶೋರೂಂ ಹೊಂದಿರುವ ಲಾನ್ಸನ್‌ ಸಂಸ್ಥೆಯ ಜಂಟಿ-ವ್ಯವಸ್ಥಾಪಕ ನಿರ್ದೇಶಕಿಯಾದ ರೀಟಾ ಲಂಕಾಲಿಂಗಂ ಅವರು ತಮ್ಮ ನಿವಾಸದಲ್ಲಿ ಗುರುವಾರ ನೇಣುಬಿಗಿದ ಸ್ಥಿತಿಯಲ್ಲಿ ಕಂಡುಬಂದಿದ್ದಾರೆ.

ಎಂದಿನಂತೆ ತಮ್ಮ ಕೊಠಡಿಯಿಂದ ಬೆಳಗಿನ ಉಪಾಹಾರಕ್ಕೆ ಸಿದ್ಧವಾಗಿ ರೀಟಾ ಬರುತ್ತಿದ್ದರು. ಆದರೆ, ಗುರುವಾರ ಎಷ್ಟು ಹೊತ್ತಾದರೂ ಉಪಾಹಾರಕ್ಕೆ ಬಾರದ ಕಾರಣ ಅವರ ಮನೆಯ ಕೆಲಸಗಾರರು ಅವರ ಕೊಠಡಿಯೊಳಗೆ ಹೋಗಿ ನೋಡಿದಾಗ ಆತ್ಮಹತ್ಯೆಯ ವಿಚಾರ ಬೆಳಕಿಗೆ ಬಂದಿದೆ ಎಂದು ನುಂಗಬಕ್ಕಂ ಪ್ರಾಂತ್ಯದ ಹೆಚ್ಚುವರಿ ಪೊಲೀಸ್‌ ಆಯುಕ್ತ ವಿ. ಮುತ್ತುವೇಲ್‌ ಪಾಂಡಿ ಹೇಳಿದ್ದಾರೆ. ಕೋಣೆಯಲ್ಲಿ ಯಾವುದೇ ಡೆತ್‌ನೋಟ್‌ ಸಿಕ್ಕಿಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ. ವೈಯಕ್ತಿಕ ಕಾರಣಗಳಿಂದ ರೀಟಾ ಅವರು ಆತ್ಮಹತ್ಯೆಗೆ ಶರಣಾಗಿರಬಹುದು ಎಂದು ಶಂಕಿಸಲಾಗಿದೆ. ಅವರು, ಪತಿ ಹಾಗೂ ಲ್ಯಾನ್ಸನ್‌ ಸಂಸ್ಥೆಯ ಸಂಸ್ಥಾಪಕ ಲಂಕಾಲಿಂಗಂ, ಪುತ್ರಿ, ಪುತ್ರನನ್ನು ಅಗಲಿದ್ದಾರೆ.