ನ್ಯಾಯಪೀಠಗಳ ನಡುವಿನ ತಿಕ್ಕಾಟ ಈಗ ಸಿಜೆಐ ಮುಂದೆ

Team Udayavani, Feb 23, 2018, 10:38 AM IST

ಹೊಸದಿಲ್ಲಿ: ಭೂಸ್ವಾಧೀನ ಪ್ರಕರಣಕ್ಕೆ ಸಂಬಂಧಿಸಿದಂತೆ ಸುಪ್ರೀಂ ಕೋರ್ಟ್‌ನ ಎರಡು ಪೀಠಗಳ ನಡುವೆ ಜಿದ್ದಾ ಜಿದ್ದಿ ಶುರುವಾಗಿದ್ದು, ಈ ವಿವಾದ ಇದೀಗ ಮುಖ್ಯ ನ್ಯಾಯಮೂರ್ತಿಗಳತ್ತ ರವಾನೆಯಾಗಿದೆ. 

2014ರಲ್ಲಿ ನ್ಯಾ| ಆ ರ್‌.ಎಂ.ಲೋಧಾ, ನ್ಯಾ| ಮದನ್‌ ಬಿ ಲೋಕುರ್‌ ಮತ್ತು ನ್ಯಾ| ಕುರಿ ಯನ್‌ ಜೊಸೆಫ್ ಅವರು ನೀಡಿದ್ದ ತೀರ್ಪನ್ನು ಅಸಿಂಧು ಎಂದು ಫೆ.8 ರಂದು ನ್ಯಾ| ಅರುಣ್‌ ಮಿಶ್ರಾ, ನ್ಯಾ| ಆದರ್ಶ್‌ ಕೆ.ಗೋ ಯಲ್‌ ಮತ್ತು ನ್ಯಾ| ಶಾಂತನು ಗೌಡರ್‌ ಅವರಿದ್ದ ಪೀಠ ಹೇಳಿತ್ತು. ಆದರೆ, ಫೆ.8ರ ತೀರ್ಪಿನ ಬಗ್ಗೆ ಫೆ.21ರಂದು ನ್ಯಾ| ಮದನ್‌ ಬಿ.ಲೋ ಕುರ್‌ ಅವರ ಪೀಠ ಆಕ್ಷೇಪ ವ್ಯಕ್ತ ಪ ಡಿ ಸಿತ್ತು. ಈ ಆಕ್ಷೇ ಪಕ್ಕೆ ಗುರು ವಾರ ವಿಚಾರಣೆ ನಡೆಸಿದ ನ್ಯಾ| ಅರುಣ್‌ ಮಿಶ್ರಾ ಮತ್ತು ನ್ಯಾ| ಅಮಿ ತಾವ್‌ ರಾಯ್‌ ಅವರುಳ್ಳ ಪೀಠವೂ ಬೇಸರ ವ್ಯಕ್ತ ಪಡಿಸಿದ್ದು, ಈ ವಿಚಾರವನ್ನು ಮುಖ್ಯ ನ್ಯಾಯ ಮೂರ್ತಿಗಳೇ ಇತ್ಯರ್ಥ ಮಾಡಲಿ ಎಂದು ಹೇಳಿದೆ. 

ಫೆ.8 ರಂದು ತೀರ್ಪು ನೀಡಿದ್ದ ನ್ಯಾ| ಅರುಣ್‌ ಮಿಶ್ರಾ ಅವರ ನೇತೃ ತ್ವದ ಪೀಠವು, ನ್ಯಾ| ಮದನ್‌ ಬಿ. ಲೋಕುರ್‌ ಅವರ ಪೀಠದ ಆಕ್ಷೇಪಕ್ಕೆ ಪ್ರತಿ ಕ್ರಿಯೆ ನೀಡಿದ್ದು, ಇವರು ತಮ್ಮ ಅಂದಿನ 200 ಪುಟ ಗಳ ತೀರ್ಪನ್ನು ಸಂಪೂರ್ಣವಾಗಿ ಓದಿಲ್ಲ. ಆದರೂ ಹೇಳಿಕೆ ನೀಡು ತ್ತಿ ದ್ದಾರೆ ಎಂದು ಬೇಸ ರ ವನ್ನೂ ವ್ಯಕ್ತ ಪಡಿಸಿದ್ದಾರೆ. ಹೀಗಾಗಿ ಈ ಪೀಠ ಗಳ ನಡು ವಿನ ತೀಪಿುìನ ಜಗಳ ಇದೀಗ ಮುಖ್ಯ ನ್ಯಾಯ ಮೂರ್ತಿಗಳ ಅಂಗಳಕ್ಕೆ ತಲುಪಿದೆ.

2014ರ ತೀರ್ಪೇನು ?
ಭೂಸ್ವಾಧೀನಪಡಿಸಿ ಕೊಂಡವರು 5 ವರ್ಷದೊಳಗೆ ಪರಿಹಾರ ನೀಡದಿದ್ದರೆ ಭೂಮಿ ಹಿಂದಿನ ಮಾಲಕ ರಿಗೆ ವಾಪಸ್‌ ಹೋಗುತ್ತದೆ ಎಂದು ತೀರ್ಪು ನೀಡಲಾಗಿತ್ತು. ಆದರೆ ಫೆ.8 ರಂದು ಈ ತೀರ್ಪು ಬದಲಾ ಯಿಸಿ ಪರಿಹಾರ ನೀಡುವಲ್ಲಿ  ತಡವಾದ ಮಾತ್ರಕ್ಕೆ ಭೂಮಿ ವಾಪಸ್‌ ಪಡೆಯುವಂತಿಲ್ಲ ಎಂದಿತ್ತು.