ವಿಭಿನ್ನ ದೃಷ್ಟಿಕೋನ: ಮಧ್ಯಪ್ರವೇಶ ಬೇಡ

Team Udayavani, Dec 5, 2018, 7:20 AM IST

ಹೊಸದಿಲ್ಲಿ: ಅಪರಾಧ ಪ್ರಕರಣಗಳಲ್ಲಿ ವಿಭಿನ್ನ ದೃಷ್ಟಿಕೋನವೂ ಇರಬಹುದು ಎಂಬ ಕಾರಣಕ್ಕೆ ಹೈಕೋರ್ಟ್‌ಗಳೂ ಸೇರಿದಂತೆ ಉನ್ನತ ನ್ಯಾಯಾಲಯಗಳು ವಿಚಾರಣಾ ನ್ಯಾಯಾಲಯ ಹೊರಡಿಸಿದ ತೀರ್ಪಿನಲ್ಲಿ ಮಧ್ಯಪ್ರವೇಶಿಸುವಂತಿಲ್ಲ ಎಂದು ಮಂಗಳವಾರ ಸುಪ್ರೀಂಕೋರ್ಟ್‌ ಆದೇಶಿಸಿದೆ. ಯಾವುದೇ ನಿಖರ ಹಾಗೂ ಸೂಕ್ತ ಕಾರಣವಿಲ್ಲದಿದ್ದರೆ ವಿಚಾರಣಾ ನ್ಯಾಯಾಲಯದ ತೀರ್ಪಿನಲ್ಲಿ ಮಧ್ಯಪ್ರವೇಶ ಮಾಡಬಾರದು ಎಂದು ನ್ಯಾ.ಎಲ್‌.ನಾಗೇಶ್ವರ ರಾವ್‌ ಮತ್ತು ಆರ್‌ ಸುಭಾಷ್‌ ರೆಡ್ಡಿ ಒಳಗೊಂಡ ನ್ಯಾಯಪೀಠ ಈ ಸೂಚನೆ ನೀಡಿದೆ. 1984ರ ಪ್ರಕರಣವೊಂದರಲ್ಲಿ ವಿಚಾರಣಾ ನ್ಯಾಯಾಲಯವು ಐವರು ಆರೋಪಿಗಳನ್ನು ವಿವಿಧ ಕಾರಣಕ್ಕೆ ಆರೋಪಮುಕ್ತಗೊಳಿಸಿದ್ದು, ಪಾಟ್ನಾ ಹೈಕೋರ್ಟ್‌ ಈ ತೀರ್ಪನ್ನು ವಜಾಗೊಳಿಸಿ ಐವರ ವಿರುದ್ಧವೂ ಆರೋಪ ಸಾಬೀತುಗೊಳಿಸಿತ್ತು. ಈ ಪ್ರಕರಣದ ವಿಚಾರಣೆ ವೇಳೆ ಸುಪ್ರೀಂಕೋರ್ಟ್‌ ಈ ಅಭಿಪ್ರಾಯ ವ್ಯಕ್ತಪಡಿಸಿದೆ.