ತಬ್ಲಿಘಿ ಮುಖ್ಯಸ್ಥ ಮೌಲಾನಾ ಸಾದ್‌ ವಿರುದ್ಧ ಜನಾಂಗೀಯ ಹತ್ಯೆ ಪ್ರಕರಣ ದಾಖಲು

Team Udayavani, Apr 16, 2020, 6:28 AM IST

ಹೊಸದಿಲ್ಲಿ: ದೆಹಲಿಯ ನಿಜಾಮುದ್ದೀನ್‌ನಲ್ಲಿ ಲಾಕ್‌ ಡೌನ್‌ನ ನಡುವೆಯೂ ಅತಿ ದೊಡ್ಡ ಧಾರ್ಮಿಕ ಸಮಾವೇಶ ನಡೆಸಿದ್ದ ‘ತಬ್ಲೀಘಿ -ಎ-ಜಮಾತ್‌’ ಸಂಘಟನೆಯ ಮುಖ್ಯಸ್ಥ ಮೌಲಾನಾ ಸಾದ್‌ ವಿರುದ್ಧ ‘ಶಿಕ್ಷಾರ್ಹವಾದ ಜನಾಂಗೀಯ ಹತ್ಯೆ’ ಪ್ರಕರಣವನ್ನು ದೆಹಲಿ ಪೊಲೀಸರು ದಾಖಲಿಸಿದ್ದಾರೆ.

ಇದಲ್ಲದೆ, ಸಮಾವೇಶಕ್ಕಾಗಿ ವಿದೇಶಗಳಿಂದ ಬಂದು ಇನ್ನೂ ಭಾರತದಲ್ಲೇ ತಲೆ ಮರೆಸಿಕೊಂಡಿರುವ 1,890 ತಬ್ಲೀಘಿಗಳ ವಿರುದ್ಧ ಲುಕ್‌ ಔಟ್‌ ಅಧಿಸೂಚನೆ ಜಾರಿಗೊಳಿಸಲಾಗಿದೆ.

ಮಾರ್ಚ್‌ ಮಧ್ಯಭಾಗದಲ್ಲಿ ನಡೆದಿದ್ದ ಈ ಸಮಾವೇಶದಲ್ಲಿ ಭಾಗಿಯಾಗಿದ್ದ 9000 ತಬ್ಲೀಘಿ  ಸದಸ್ಯರಿಂದ ದೇಶದಲ್ಲಿ ಕೋವಿಡ್ ಸೋಂಕು ಮತ್ತಷ್ಟು ವೇಗವಾಗಿ ಹರಡಲು ಕಾರಣವಾಯಿತು. ಈ ಹಿನ್ನೆಲೆಯಲ್ಲಿ, ಈ ಕ್ರಮಗಳನ್ನು ಕೈಗೊಳ್ಳಲಾಗಿದೆ.

ಈ ನಡುವೆ, ನಿಜಾಮುದ್ದೀನ್‌ ಸಮಾವೇಶದಲ್ಲಿ 2041 ವಿದೇಶಿಗರು ಭಾಗವಹಿಸಿದ್ದರು ಎಂದು ಹೇಳಲಾಗಿದೆ. ಇವರಲ್ಲಿ 9 ಮಂದಿ ಚೀನದವರೆಂದೂ ವಾಹಿನಿಯೊಂದು ವರದಿ ಮಾಡಿದೆ.