Tamil Nadu ದ್ವಿತೀಯ ಪಿಯು ಫಲಿತಾಂಶ ಪ್ರಕಟ: ಕನ್ಯಾಕುಮಾರಿ ಜಿಲ್ಲೆ ಅಗ್ರಸ್ಥಾನ

Team Udayavani, May 8, 2023, 12:46 PM IST

ಚೆನ್ನೈ: ತಮಿಳುನಾಡು ಬೋರ್ಡ್ ಪರೀಕ್ಷೆ 2023 ನೇ ಸಾಲಿನ 12 ನೇ ತರಗತಿ ಫಲಿತಾಂಶವನ್ನು ಸೋಮವಾರ ಮೇ (8ರಂದು)ಪ್ರಕಟಿಸಿದೆ.

ತಮಿಳುನಾಡು ಸರ್ಕಾರಿ ಪರೀಕ್ಷೆಗಳ ನಿರ್ದೇಶನಾಲಯ (ಡಿಜಿಇ)  ಫಲಿತಾಂಶ ಪ್ರಕಟಿಸಿದೆ. 12 ನೇ ತರಗತಿ ಪರೀಕ್ಷೆಗೆ ಹಾಜರಾದ ಒಟ್ಟು 8,03,385 ವಿದ್ಯಾರ್ಥಿಗಳಲ್ಲಿ 94.03% ರಷ್ಟು ಉತ್ತೀರ್ಣರಾಗಿದ್ದಾರೆ.

ಕನ್ಯಾಕುಮಾರಿ ಜಿಲ್ಲೆ ಅತ್ಯಧಿಕ ಶೇಕಡಾ 97.05 ಶೇಕಡಾವನ್ನು ದಾಖಲಿಸಿದೆ. ಈ ಬಾರಿಯ ಪಿಯುಸಿ ಪರೀಕ್ಷೆ ಫಲಿತಾಂಶದಲ್ಲಿ ಬಾಲಕಿಯರೇ ಮೇಲುಗೈ ಸಾಧಿಸಿದ್ದಾರೆ.

ಬಾಲಕಿಯರು ಶೇಕಡಾ 96.38 ರಷ್ಟು ಉತ್ತೀರ್ಣರಾದರೆ ಶೇ.91.45ರಷ್ಟು ಬಾಲಕರು ಉತ್ತೀರ್ಣರಾಗಿದ್ದಾರೆ.

ವಿದ್ಯಾರ್ಥಿಗಳು ತಮ್ಮ ಫಲಿತಾಂಶಗಳನ್ನು ಮಂಡಳಿಯ ಅಧಿಕೃತ ವೆಬ್‌ಸೈಟ್ http://tnresults.nic.in ನಿಂದ ಪರಿಶೀಲಿಸಬಹುದು.

ಈ ಮೊದಲು, ಫಲಿತಾಂಶಗಳನ್ನು ಮೇ 5 ರಂದು ಪ್ರಕಟಿಸಲು ನಿರ್ಧರಿಸಲಾಗಿತ್ತು ಆದರೆ ನೀಟ್ ಯುಜಿ (NEET UG 2023) ಪರೀಕ್ಷೆಯಿಂದಾಗಿ ಮುಂದೂಡಲಾಗಿತ್ತು.