ರೊಮ್ಯಾಂಟಿಕ್‌ ಬೈಸಿಕಲ್‌ ಪ್ರಣಯದ ಜೋಡಿಯಾಗಿ ತೇಜ್‌ ಪ್ರತಾಪ್-ಐಶ್ವರ್ಯಾ

Team Udayavani, May 17, 2018, 12:04 PM IST

ಪಟ್ನಾ : ನೂತನ ವಿವಾಹಿತ ಜೋಡಿ ತೇಜ್‌ ಪ್ರತಾಪ್‌ ಮತ್ತು ಐಶ್ವರ್ಯಾ ರಾಯ್‌ ಅವರು ಬೈಸಿಕಲ್‌ ಏರಿ, ಸಿನೆಮಾ ತಾರಾ ಜೋಡಿಯಂತೆ ರೊಮ್ಯಾಂಟಿಕ್‌ ಆಗಿ  ವಾಯು ಪ್ರೇಮ ವಿಹಾರ ನಡೆಸುವ ಫೋಟೋಗಳು ಇನ್‌ಸ್ಟಾಗ್ರಾಂ, ಫೇಸ್‌ ಬುಕ್‌ ಮತ್ತು ಟ್ಟಿಟರ್‌ನಲ್ಲಿ ವೈರಲ್‌ ಆಗಿವೆ. 

ಆರ್‌ಜೆಡಿ ಮುಖ್ಯಸ್ಥ ಲಾಲು ಪ್ರಸಾದ್‌ ಯಾದವ್‌ ಅವರ ಹಿರಿಯ ಪುತ್ರರಾಗಿರುವ ತೇಜ್‌ ಪ್ರತಾಪ್‌ ಯಾದವ್‌ ಅವರು ಕಳೆದ ಮೇ 12ರಂದು ಬಿಹಾರದ ಮಾಜಿ ಮುಖ್ಯಮಂತ್ರಿ ದರೋಗಾ ಪ್ರಸಾದ್‌ ರಾಯ್‌ ಅವರ ಮೊಮ್ಮಗಳು ಐಶ್ವರ್ಯಾ ರಾಯ್‌ ಅವರನ್ನು ಪಟ್ನಾದಲ್ಲಿ ನಡೆದಿದ್ದ ಅದ್ದೂರಿ ಸಮಾರಂಭದಲ್ಲಿ ಮದುವೆಯಾಗಿದ್ದರು. 

ಇವರ ವಿಧ್ಯುಕ್ತ ಮದುವೆ ಸಮಾರಂಭದ ಫೋಟೋಗಳು ಸಾಮಾಜಿಕ ಮಾಧ್ಯಮಗಳಲ್ಲಿ ಸಾಕಷ್ಟು ಹರಿದಾಡಿವೆಯಾದರೂ ಸೈಕಲ್‌ ಏರಿರುವ ಈ ನೂತನ ಜೋಡಿಯ ಸಿನೆಮಾ ಮಾದರಿಯ ರೊಮ್ಯಾಂಟಿಕ್‌ ಫೋಟೋ ಅತ್ಯಂತ ವೈರಲ್‌ ಆಗಿದೆ. 

ತೇಜ್‌ಪ್ರತಾಪ್‌ ಅವರೇ ಈ ಬೈಸಿಕಲ್‌ ಜೋಡಿ ಫೋಟೋವನ್ನು ಇನ್‌ಸ್ಟಾಗ್ರಾಂ ಗೆ ಅಪ್‌ಲೋಡ್‌ ಮಾಡಿದ್ದು ಇದು ಭಾರೀ ಸಂಖ್ಯೆಯ ಶೇರಿಂಗ್‌ ಕಂಡಿದೆ. 

ಬೈಸಿಕಲ್‌ ಏರಿರುವ ತೇಜ್‌ಪ್ರತಾಪ್‌ ಸಾಂಪ್ರದಾಯಿಕ ಬಿಳಿ ಕುರ್ತಾ ಪೈಜಾಮ ದಲ್ಲಿ ಮಿಂಚಿದ್ದಾರೆ; ನೂತನ ವಧು ಐಶ್ವರ್ಯಾ ಕೇಸರಿ ಬಣ್ಣದ ಸೀರೆಯಲ್ಲಿ ಸೌಂದರ್ಯ ಖನಿಯಾಗಿ ಕಂಡು ಬಂದಿದ್ದಾರೆ.