ತೇಜಿಂದರ್‌ ಮುಖರ್ಜಿ ನ್ಯಾಷನಲ್‌ ಇನ್ಷೊರೆನ್ಸ್‌ ನೂತನ ಸಿಎಂಡಿ 

Team Udayavani, Sep 22, 2018, 12:05 PM IST

ನವದೆಹಲಿ: ಸರ್ಕಾರಿ ಸ್ವಾಮ್ಯದ ನ್ಯಾಷನಲ್‌ ಇನ್ಷೊರೆನ್ಸ್‌ ಕಂಪನಿ ಲಿ.,ನ (ಎನ್‌ಐಸಿ) ನೂತನ ಅಧ್ಯಕ್ಷರು ಮತ್ತು ವ್ಯವಸ್ಥಾಪಕ ನಿರ್ದೇಶಕಿಯಾಗಿ ತೇಜಿಂದರ್‌ ಮುಖರ್ಜಿ ಅವರು ಸೆ.14ರಂದು ಅಧಿಕಾರ ವಹಿಸಿಕೊಂಡಿದ್ದಾರೆ.

ಈ ಹಿಂದೆ ನ್ಯೂ ಇಂಡಿಯಾ ಅಶ್ಶೂರೆನ್ಸ್‌ನ ಮಹಾಪ್ರಬಂಧಕಿ ಹಾಗೂ ಚೀಫ್‌ ಅಂಡರೈಟಿಂಗ್‌ ಆಫೀಸರ್‌ ಆಗಿ ಕಾರ್ಯ ನಿರ್ವಹಿಸಿದ್ದ ತೇಜಿಂದರ್‌ ಮುಖರ್ಜಿ ಅವರು, 1983ರಲ್ಲಿ ಯುನೈಟೆಡ್‌ ಇಂಡಿಯಾ ಇನ್ಷೊರೆನ್ಸ್‌ ಕಂಪನಿಯಲ್ಲಿ ಅಧಿಕಾರಿಯಾಗಿ ಸೇವೆಗೆ ಸೇರಿದ್ದರು.

ಇನ್ಸೂರೆನ್ಸ್‌ ಉದ್ಯಮದ ನಾನಾ ಕ್ಷೇತ್ರಗಳಲ್ಲಿ ಸೇವೆ ಸಲ್ಲಿಸಿ 33 ವರ್ಷಗಳ ಅಪಾರ ಅನುಭವ ಗಳಿಸಿರುವ ಶ್ರೀಮತಿ ತೇಜಿಂದರ್‌ ಮುಖರ್ಜಿ ದೆಹಲಿ ವಿಶ್ವವಿದ್ಯಾಲಯದ ಕಾಮರ್ಸ್‌ ಪದವೀಧರೆಯಾಗಿದ್ದು, ನಂತರ ಇನ್ಷೊರೆನ್ಸ್‌ ಇನ್ಸ್‌ಟಿಟ್ಯೂಟ್‌ ಆಫ್‌ ಇಂಡಿಯಾದಿಂದ ಇನ್ಷೊರೆನ್ಸ್‌ ಫೆಲೋಷಿಪ್‌ ಅನ್ನು ಪಡೆದಿದ್ದಾರೆ ಎಂದು ಎನ್‌ಐಸಿ ತಿಳಿಸಿದೆ.