Panaji: ಡೊನಾ ಪೌಲಾದಲ್ಲಿನ ಪ್ರಸಿದ್ಧ ಜೆಟ್ಟಿ ಈಗ ಪಾರ್ಟಿ ಡೆಸ್ಟಿನೇಷನ್

Team Udayavani, Nov 16, 2023, 2:50 PM IST

ಪಣಜಿ: ಪ್ರವಾಸಿಗರಿಗಾಗಿ ತೆರೆದಿರುವ ಡೊನಾ ಪೌಲಾದಲ್ಲಿನ ಪ್ರಸಿದ್ಧ ಜೆಟ್ಟಿ ಈಗ ಪಾರ್ಟಿ ಡೆಸ್ಟಿನೇಷನ್ ಎಂಬ ಖ್ಯಾತಿಯನ್ನು ಸೃಷ್ಟಿಸುತ್ತಿದೆ.

ಈ ಸ್ಥಳವನ್ನು ಸಂಜೆ ಪಾರ್ಟಿಗಳನ್ನು ಆಯೋಜಿಸಲು ಬಳಸಲಾಗುತ್ತದೆ. ಜೆಟ್ಟಿಗೆ ಟಿಕೆಟ್ ನೀಡುವ ಕಂಪನಿಯ ಮೂಲಕವೂ ಈ ಪಾರ್ಟಿಗಳಿಗೆ  ಅವಕಾಶ ನೀಡಲಾಗುತ್ತದೆ. ಇದರಿಂದ ಪ್ರವಾಸೋದ್ಯಮ ಇಲಾಖೆಗೆ ಉತ್ತಮ ಆದಾಯ ಬರುತ್ತಿದೆ ಎಂದೇ ಹೇಳಲಾಗುತ್ತಿದೆ.

ಡೋನಾ ಪೌಲಾ ಜೆಟ್ಟಿಯನ್ನು ಕಳೆದ ನಾಲ್ಕು ವರ್ಷಗಳಿಂದ ದುರಸ್ತಿ ಮತ್ತು ನವೀಕರಣದ ಹೆಸರಿನಲ್ಲಿ ಮುಚ್ಚಲಾಗಿತ್ತು. ಆ ನಂತರ ಜೆಟ್ಟಿ ಯಾವಾಗ ಮುಗಿದು ತೆರೆಯುತ್ತದೆ ಎಂಬ ಕುತೂಹಲ ಪ್ರವಾಸಿಗರಲ್ಲಿ ಮೂಡಿತ್ತು. ಅಂತಿಮವಾಗಿ, ಇದನ್ನು ಇತ್ತೀಚೆಗೆ ಪ್ರವಾಸಿಗರಿಗೆ ತೆರೆಯಲಾಯಿತು. ಜೆಟ್ಟಿಗೆ ತೆರಳಲು ಪ್ರವಾಸೋದ್ಯಮ ಇಲಾಖೆ ಪ್ರವಾಸಿಗರಿಗೆ ಟಿಕೆಟ್ ನೀಡುತ್ತಿದೆ.

ರಾಜ್ಯ ಸರ್ಕಾರ ಈ ಹಿಂದೆ ವೆರೆಯಲ್ಲಿರುವ ರೇಯಿಷ್‍ಮಾಗಸ್ ಕೋಟೆಯ ಭೂಮಿಯನ್ನು ಹೋಟೆಲ್ ಆಡಳಿತಕ್ಕೆ ಹಸ್ತಾಂತರಿಸಿತ್ತು. ಸರ್ಕಾರದ ಈ ನಿರ್ಧಾರಕ್ಕೆ ಆಗ ತೀವ್ರ ವಿರೋಧ ವ್ಯಕ್ತವಾಗಿತ್ತು. ಆದರೆ, ಡೊನಾ ಪೌಲಾ ಜೆಟ್ಟಿಯಲ್ಲಿ ಸಂಜೆಯವರೆಗೂ ಅಂದರೆ ಸೂರ್ಯಾಸ್ತದವರೆಗೂ ಜನಜಂಗುಳಿ ಇರುತ್ತದೆ.

ರಾತ್ರಿ ವೇಳೆ ದೋನಾ ಪೌಲಾ ಜೆಟ್ಟಿಯ ಆವರಣ ಗಮನ ಸೆಳೆಯುತ್ತದೆ. ಅದಕ್ಕಾಗಿಯೇ ಈ ಕಡಲತೀರದ ಬೆಟ್ಟದಲ್ಲಿ ಪಾರ್ಟಿಗಳನ್ನು ನಡೆಸಲು ಅನೇಕರು ಹೆಚ್ಚು ಆಸಕ್ತಿ ವಹಿಸುತ್ತಾರೆ. ಪಾರ್ಟಿಗಳಿಗೆ ಜೆಟ್ಟಿಯನ್ನು ಅಲಂಕರಿಸಲಾಗಿದೆ. ಜೆಟ್ಟಿಯನ್ನು ವಿದ್ಯುತ್ ದೀಪಾಲಂಕಾರ, ಹೂವುಗಳಿಂದ ಅಲಂಕರಿಸಲಾಗಿದೆ. ಈವೆಂಟ್ ಮ್ಯಾನೇಜ್‍ಮೆಂಟ್ ಕಂಪನಿಯು ಯೋಜನೆ ಕಾರ್ಯನಿರ್ವಹಿಸುತ್ತಿದೆ.

ಈ ಕುರಿತು ಪ್ರವಾಸೋದ್ಯಮ ಸಚಿವ ರೋಹನ್ ಖಂವಟೆ ಪ್ರತಿಕ್ರಿಯೆ ನೀಡಿ ಡೊನಾ ಪೌಲಾ ಜೆಟ್ಟಿಯಲ್ಲಿ ಸಂಜೆಯವರೆಗೆ ಅಂದರೆ ಸೂರ್ಯಾಸ್ತದವರೆಗೂ ಜನಜಂಗುಳಿ ಇರುತ್ತದೆ.  ಸ್ವಾಭಾವಿಕವಾಗಿ, ರಾತ್ರಿಯಲ್ಲಿ ಅಲ್ಲಿ ಪಾರ್ಟಿಗಳನ್ನು ನಡೆಸುವುದರಲ್ಲಿ ಯಾವುದೇ ತಪ್ಪಿಲ್ಲ. ಏಕೆಂದರೆ ಈ ಉದ್ದೇಶಕ್ಕಾಗಿ ನೇಮಕಗೊಂಡ ಕಂಪನಿಯಿಂದ ಸರ್ಕಾರ ವರ್ಷಕ್ಕೆ ಆದಾಯವನ್ನು ಪಡೆಯುತ್ತದೆ.