” ದಿ ಕೇರಳ ಸ್ಟೋರಿ’ ಸಿನೆಮಾಕ್ಕೆ ಕೇರಳ ಸಿಎಂ ಆಕ್ಷೇಪ

Team Udayavani, May 1, 2023, 7:25 AM IST

ತಿರುವನಂತಪುರ: ಸಾಕಷ್ಟು ಚರ್ಚೆಗೆ ಗ್ರಾಸವಾಗಿರುವ ” ದಿ ಕೇರಳ ಸ್ಟೋರಿ’ಸಿನೆಮಾದ ಬಗ್ಗೆ ಕೇರಳ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್‌ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.

ರಾಜ್ಯವನ್ನು ಧಾರ್ಮಿಕ ಉಗ್ರವಾದದ ಕೇಂದ್ರಬಿಂದುವೆಂದು ಬಿಂಬಿಸಲು ಯತ್ನಿಸುತ್ತಿರುವ ಸಂಘ ಪರಿವಾರದ ಉದ್ದೇಶವನ್ನೇ ಈ ಸಿನೆಮಾ ಹೊಂದಿದೆ ಎಂದು ಆರೋಪಿಸಿದ್ದಾರೆ.

ರಾಜ್ಯದಲ್ಲಿ ಕೋಮು ಸೌಹಾರ್ದತೆ ಹಾಳು ಮಾಡುವ ಉದ್ದೇಶದಿಂದಲೇ ಈ ಸಿನೆಮಾ ಮಾಡಲಾಗಿದೆ. ತನಿಖಾ ಸಂಸ್ಥೆಗಳು, ನ್ಯಾಯಾಲಯಗಳು, ಕೇಂದ್ರಗೃಹ ಸಚಿವಾಲಯಗಳೇ ತಿರಸ್ಕರಿಸಿರುವ ಲವ್‌ ಜಿಹಾದ್‌ ವಿಚಾರವನ್ನಿಟ್ಟುಕೊಂಡು ಈ ಸಿನೆಮಾ ಮೂಲಕ ಸುಳ್ಳು ಕಥೆ ಕಟ್ಟಲಾಗುತ್ತಿದೆ ಎಂದಿದ್ದಾರೆ. ಸಿನೆಮಾ ಮೇ 5ರಂದು ಬಿಡುಗಡೆಯಾಗಲಿದೆ.