ಪತ್ರ ಬಟವಾಡೆಗೆ 30 ವರ್ಷ ಕಾಡಿನಲ್ಲಿ ನಡೆದ ಶಿವನ್‌

Team Udayavani, Jul 10, 2020, 6:27 AM IST

ಚೆನ್ನೈ: ಅಂಚೆಯಣ್ಣ ಡಿ.ಶಿವನ್‌ ದಟ್ಟ ಕಾಡುಗಳಲ್ಲಿ ಪತ್ರಗಳನ್ನು ತಲುಪಿಸಲು ನಡೆದು ಹೋದದದ್ದು 1-2 ವರ್ಷಗಳಲ್ಲ.

ಮೂವತ್ತು ವರ್ಷಗಳ ಕಾಲ ಅವರು ಕ್ರೂರ ಮೃಗಗಳಿಗೆ ಬೆದರದೆ ಕರ್ತವ್ಯ ನಿರ್ವಹಿಸಿದ್ದರು.

ಹೀಗೆ ಅಭೂತಪೂರ್ವವಾಗಿ ಕರ್ತವ್ಯ ನಿರ್ವಹಿಸಿದ ಶಿವನ್‌ ಕಳೆದ ವಾರ ನಿವೃತ್ತಿಯಾದರು.

ಐಎಎಸ್‌ ಅಧಿಕಾರಿ ಸುಪ್ರಿಯಾ ಸಾಹು ಅವರು ಶಿವನ್‌ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿ ಹಾಕಿದ ಫೋಟೋ ಮತ್ತು ಶೀರ್ಷಿಕೆ ಭಾರೀ ವೈರಲ್‌ ಆಗಿದೆ.

ತಮಿಳುನಾಡಿನ ನೀಲಗಿರಿ ಪರ್ವತ ಪ್ರದೇಶದ ಹಿಲ್‌ಗ್ರೋವ್‌ ಅಂಚೆ ಕಚೇರಿಯಲ್ಲಿ ಪೋಸ್ಟ್‌ ಮ್ಯಾನ್‌ ಆಗಿ ಕೆಲಸ ಮಾಡುತ್ತಿದ್ದರು.

ಅವರು ಕುನೂರ್‌ ಎಂಬ ಪ್ರದೇಶದ ಕುಗ್ರಾಮಗಳಿಗೆ ನಡೆದು ಕೊಂಡು ಹೋಗಿ ಪತ್ರ ಬಟವಾಡೆ ಮಾಡುತ್ತಿದ್ದರು.
ಹಲವಾರು ಬಾರಿ ಆನೆ, ಕರಡಿ, ಇತರ ಕಾಡುಪ್ರಾಣಿಗಳು ಅವರನ್ನು ಓಡಿಸಿಕೊಂಡು ಬಂದಿವೆ.

ಹಲವಾರು ನದಿ, ತೊರೆಗಳನ್ನು ಅವರು ದಾಟಿದ್ದಾರೆ. ಕಷ್ಟವಿದ್ದರೂ ಶ್ರದ್ಧೆಯಿಂದ ಕರ್ತವ್ಯ ನಿರ್ವಹಿಸಿದ್ದರು ಎಂದು ಸುಪ್ರಿಯಾ ಸಾಹು ಟ್ವೀಟ್‌ ಮಾಡಿದ್ದಾರೆ.

Postman D. Sivan walked 15 kms everyday through thick forests to deliver mail in inaccessible areas in Coonoor.Chased by wild elephants,bears, gaurs,crossing slippery streams&waterfalls he did his duty with utmost dedication for 30 years till he retired last week-Dinamalar,Hindu pic.twitter.com/YY1fIoB2jj

— Supriya Sahu IAS (@supriyasahuias) July 8, 2020