Students: ಅಮೆರಿಕಕ್ಕೆ ವ್ಯಾಸಂಗ ಕ್ಕೆತೆರಳುವ ವಿದ್ಯಾರ್ಥಿಗಳಲ್ಲಿ ಭಾರತೀಯರೇ ಹೆಚ್ಚು!

Team Udayavani, Nov 19, 2024, 6:50 AM IST

ನವದೆಹಲಿ: ಅಮೆರಿಕದಲ್ಲಿ ಈ ವರ್ಷ 3.3 ಲಕ್ಷ ಭಾರತೀಯ ವಿದ್ಯಾರ್ಥಿಗಳು ವ್ಯಾಸಂಗ ಮಾಡುತ್ತಿದ್ದು, ಈ ಮೂಲಕ ಕಳೆದ 15 ವರ್ಷಗಳಲ್ಲೇ ಮೊದಲ ಬಾರಿಗೆ ಅಮೆ ರಿಕಕ್ಕೆ ಅತಿ ಹೆಚ್ಚು ವಿದ್ಯಾರ್ಥಿಗಳನ್ನು ಕಳುಹಿಸಿದ ದೇಶಗಳ ಪಟ್ಟಿಯಲ್ಲಿ ಭಾರತ ಅಗ್ರ ಸ್ಥಾನ ಪಡೆದಿದೆ.

ಸೋಮವಾರ ಬಿಡುಗಡೆಯಾದ 2024ರ ಓಪನ್‌ ಡೋರ್ ವರದಿ ಈ ಮಾಹಿತಿ ನೀಡಿದೆ. 2022-23ರಲ್ಲಿ ಅಮೆರಿಕಕ್ಕೆ ವಿದ್ಯಾರ್ಥಿಗಳನ್ನು ಕಳುಹಿಸುವಲ್ಲಿ ಚೀನಾ ಮೊದಲ ಸ್ಥಾನ ಪಡೆದಿತ್ತು. 2ನೇ ಸ್ಥಾನದಲ್ಲಿ ಭಾರತವಿತ್ತು. ವರದಿಯ ಪ್ರಕಾರ, 2023-24ರಲ್ಲಿ 3.31 ಲಕ್ಷ ಭಾರತೀಯ ವಿದ್ಯಾರ್ಥಿಗಳು ಅಮೆರಿಕದಲ್ಲಿ ವ್ಯಾಸಂಗ ಮಾಡುತ್ತಿದ್ದು, ಇದು ಸಾರ್ವಕಾಲಿಕ ಅಧಿಕ ಮಟ್ಟವಾಗಿದೆ. 2022-23ರಲ್ಲಿ ಈ ಸಂಖ್ಯೆ 2.68 ಲಕ್ಷ ಇತ್ತು.

ಅಲ್ಲಿನ ಒಟ್ಟು ಅಂತಾರಾಷ್ಟ್ರೀಯ ವಿದ್ಯಾರ್ಥಿಗಳ ಪೈಕಿ ಶೇ.29ರಷ್ಟು ಭಾರತೀಯ ವಿದ್ಯಾರ್ಥಿಗಳಿದ್ದಾರೆ. ನಂತರದ ಸ್ಥಾನದಲ್ಲಿ ಕ್ರಮವಾಗಿ ಚೀನಾ, ದಕ್ಷಿಣ ಕೊರಿಯಾ, ಕೆನಡಾ ಹಾಗೂ ತೈವಾನ್‌ ದೇಶಗಳಿವೆ.