Udupi ಮಾದರಿಯಲ್ಲಿ ಗಾಜಿಪುರ ಹಾಸ್ಟೆಲ್‌ನಲ್ಲಿ ವೀಡಿಯೋ ಸೆರೆ

Team Udayavani, Aug 13, 2023, 12:08 AM IST

ವಾರಾಣಸಿ: ಉಡುಪಿಯ ಕಾಲೇಜಿನಲ್ಲಿ ವಿದ್ಯಾರ್ಥಿನಿಯರ ದೃಶ್ಯ ಸೆರೆ ಹಿಡಿದ ವಿಚಾರ ವಿವಾದಕ್ಕೆ ಕಾರಣವಾಗಿರುವಂತೆಯೇ ಖಾಸಗಿ ದೃಶ್ಯಗಳನ್ನು ಸೆರೆಹಿಡಿದ ಪ್ರಕರಣವೊಂದು ಉತ್ತರ ಪ್ರದೇಶದ ಗಾಜಿಪುರದ ಕಾಲೇಜಿನಲ್ಲಿ ನಡೆದಿದೆ. ಇಲ್ಲಿನ ಸರಕಾರಿ ಹೋಮಿಯೋಪಥಿ ಕಾಲೇಜಿನ ಹಾಸ್ಟೆಲ್‌ನ ವಿದ್ಯಾರ್ಥಿನಿ ಸಹಪಾಠಿ ವಿದ್ಯಾರ್ಥಿನಿಯರು ಬಟ್ಟೆ ಬದಲಿಸುವ ಹಾಗೂ ಇತರ ಖಾಸಗಿ ಸಂದರ್ಭಗಳಲ್ಲಿನ ದೃಶ್ಯಗಳನ್ನು ತನ್ನ ಮೊಬೈಲ್‌ನಲ್ಲಿ ಸೆರೆಹಿಡಿದು ತನ್ನ ಸ್ನೇಹಿತನಿಗೆ ಮೊಬೈಲ್‌ ಮೂಲಕ ರವಾನಿಸಿದ್ದಾಳೆ. ಆತ ಈ ಫೋಟೋ ಮತ್ತು ವೀಡಿಯೋಗಳನ್ನು ಇಟ್ಟುಕೊಂಡು, ವಿದ್ಯಾರ್ಥಿಯರನ್ನು ಬೆದರಿಸಲು ಆರಂಭಿಸಿದ್ದಾನೆ.

ಈ ಕುರಿತು ವಿದ್ಯಾರ್ಥಿನಿಯರ ಗುಂಪು ಪ್ರಾಂಶುಪಾಲರಿಗೆ ದೂರು ನೀಡಿದೆ. ಪ್ರಾಥಮಿಕ ವಿಚಾರಣೆ ನಡೆಸಿರುವ ಕಾಲೇಜು ಆಡಳಿತ, ಇಬ್ಬರನ್ನು ಅಮಾನತಗೊಳಿಸಿದ್ದು, ತನಿಖೆಗಾಗಿ ಅವರ ಮೊಬೈಲ್‌ಗ‌ಳನ್ನು ವಶಪಡಿಸಿಕೊಂಡಿದೆ. ಪೊಲೀಸರು ಕೇಸು ದಾಖಲಿಸಿ ತನಿಖೆ ನಡೆಸುತ್ತಿದ್ದಾರೆ.