ನಿತ್ಯದ ಯೋಗ ತಪ್ಪಿಸಿ ಮೋದಿ ಹೋದದ್ದೆಲ್ಲಿಗೆ ? ಇಲ್ಲಿದೆ ರಹಸ್ಯ !

Team Udayavani, Jan 10, 2017, 11:53 AM IST

ಗಾಂಧಿನಗರ : ಪ್ರಧಾನಿ ನರೇಂದ್ರ ಮೋದಿ ಅವರಿಂದು ತಮ್ಮ ದೈನಂದಿನ ಯೋಗಾಭ್ಯಾಸವನ್ನು ಕೈಗೊಳ್ಳದೆ ಎಲ್ಲಿ ನಾಪತ್ತೆಯಾದರು ಎಂಬ ಪ್ರಶ್ನೆಗೆ ಈಗ ಉತ್ತರ ಸಿಕ್ಕಿದೆ.

ಇಲ್ಲಿನ ಮಹಾತ್ಮ ಮಂದಿರ್‌ನಲ್ಲಿಂದು 8ನೇ ಆವೃತ್ತಿಯ ವೈಬ್ರಂಟ್‌ ಗುಜರಾತ್‌ ಗ್ಲೋಬಲ್‌ ಸಮ್ಮಿಟ್‌ ಉದ್ಘಾಟಿಸಲು ಇಲ್ಲಿಗೆ ಬಂದಿರುವ ನರೇಂದ್ರ ಮೋದಿ ತಮಗೆ ದೊರಕಿದ ಕಿಂಚಿತ್‌ ಕಾಲಾವಕಾಶವನ್ನು ಸದುಪಯೋಗಿಸಿಕೊಂಡು ರಾಜ್ಯದ ರಾಜಧಾನಿಗೆ ಸನಿಹದಲ್ಲೇ ಇರುವ ರೈಸಾನ್‌ ಗ್ರಾಮದಲ್ಲಿರುವ ತಮ್ಮ ತಾಯಿ, 97ರ ಹರೆಯದ ಹರಿಬಾ ಅವರನ್ನು ಭೇಟಿಯಾಗಲು ಅಲ್ಲಿಗೆ ಹೋದರು. ಅಲ್ಲಿ ಆಕೆಯೊಂದಿಗೆ ಕುಶಲೋಪರಿ ನಡೆಸಿ ಜತೆಯಾಗಿ ಬೆಳಗ್ಗಿನ ಉಪಾಹಾರ ಸೇವಿಸಿದರು. 

ವಿದೇಶೀ ನಾಯಕರನ್ನು ಭೇಟಿಯಾಗಲು ಮಹಾತ್ಮ ಮಂದಿರಕ್ಕೆ ಹೋಗುವ ಮುನ್ನ ಮೋದಿ ಅವರು ಟ್ವೀಟ್‌ ಮಾಡಿ, “ದಿನನಿತ್ಯದ ಯೋಗಾಭ್ಯಾಸವನ್ನು ತಪ್ಪಿಸಿಕೊಂಡು ತಾಯಿಯನ್ನು ಕಾಣಲು ಹೋದೆ; ನಸುಕಿಗೆ ಮುನ್ನವೇ ಆಕೆಯೊಂದಿಗೆ ಉಪಾಹಾರ ಸೇವಿಸಿದೆ; ತಾಯಿಯೊಂದಿಗೆ ಕಳೆದ ಸಮಯವು ಅತ್ಯಮೋಘ ಮತ್ತು ಅತ್ಯಮೂಲ್ಯ’.

ನಿನ್ನೆ ಸೋಮವಾರ ಮೋದಿ ಅವರು ಗಾಂಧಿನಗರ ರೈಲ್ವೆ ಸ್ಟೇಶನ್‌ನ ಪುನರಭಿವೃದ್ಧಿ ಯೋಜನೆ, ವೈಬ್ರಂಟ್‌ ಗುಜರಾತ್‌ ಟ್ರೇಡ್‌ ಶೋ, ಗಿಫ್ಟ್ ಸಿಟಿಯಲ್ಲಿನ ಅಂತಾರಾಷ್ಟ್ರೀಯ ವಿನಿಮಯ ಮತ್ತು ಅಹ್ಮದಾಬಾದ್‌ ನಗರದ ಸಯನ್ಸ್‌ ಸಿಟಿಯಲ್ಲಿನ ನೊಬೆಲ್‌ ಪ್ರಶಸ್ತಿ ಎಗ್ಸಿಬಿಷನ್‌ ಉದ್ಘಾಟಿಸಿದ್ದರು.