ದಿಲ್ಲಿಯ ಅಧಿಕೃತ ನಿವಾಸದಲ್ಲಿ ಪಾಸ್ವಾನ್‌ ಪುತ್ಥಳಿ ಸ್ಥಾಪಿಸಿದ ಚಿರಾಗ್‌

Team Udayavani, Sep 7, 2021, 10:15 PM IST

ನವದೆಹಲಿ: ಲೋಕಜನ ಶಕ್ತಿ ಪಕ್ಷದ(ಎಲ್‌ಜೆಪಿ) ಸಂಸದ ಚಿರಾಗ್‌ ಪಾಸ್ವಾನ್‌ ನವದೆಹಲಿಯ ಅಧಿಕೃತ ನಿವಾಸದಲ್ಲೇ ತಂದೆ ರಾಮ್‌ ವಿಲಾಸ್‌ ಪಾಸ್ವಾನ್‌ ಪುತ್ಥಳಿ ಸ್ಥಾಪಿಸಿದ್ದಾರೆ. ನವದೆಹಲಿಯ 12 ಜನ್‌ಪಥ್‌ ರಸ್ತೆಯಲ್ಲಿರುವ ಸರ್ಕಾರಿ ನಿವಾಸದಲ್ಲಿ ಪಾಸ್ವಾನ್‌ ಮತ್ತು ಅವರ ಕುಟುಂಬ 30 ವರ್ಷಗಳಿಂದ ವಾಸಿಸುತ್ತಿದೆ.

ಪಾಸ್ವಾನ್‌ ನಿಧನದ ಬಳಿಕ ಚಿರಾಗ್‌ ಅವರಿಗೆ ಆ ನಿವಾಸ ತೆರವುಗೊಳಿಸುವಂತೆ ಜುಲೈನಲ್ಲಿ ಕೇಂದ್ರ ಸರ್ಕಾರ ನೋಟಿಸ್‌ ನೀಡಿತ್ತು. ಸದ್ಯ ಆ ಸರ್ಕಾರಿ ಬಂಗಲೆಯನ್ನು ರೈಲ್ವೆ ಸಚಿವ ಅಶ್ವಿ‌ನಿ ವೈಷ್ಣವ್‌ಗೆ ನೀಡಲಾಗಿದೆ. ಇದೀಗ ಪುತ್ಥಳಿ ಸ್ಥಾಪನೆ ಮಾಡಿರುವುದರಿಂದ ನಿವಾಸ ತೆರವುಗೊಳಿಸಲು ಸರ್ಕಾರಕ್ಕೆ ಸವಾಲಿನ ಕೆಲಸವಾಗಲಿದೆ ಎಂದು ಹೇಳಲಾಗುತ್ತಿದೆ.

ಇನ್ನೊಂದೆಡೆ ಚಿರಾಗ್‌ ಸೆ.12ರಂದು ಪಾಟ್ನಾದಲ್ಲಿ ತಂದೆಯ ಪುಣ್ಯಸ್ಮರಣೆ ಕಾರ್ಯಕ್ರಮ ಆಯೋಜಿಸಿದ್ದು, ಅದಕ್ಕೆ ಪ್ರಧಾನಿ ನರೇಂದ್ರ ಮೋದಿ, ವಿಪಕ್ಷ ನಾಯಕಿ ಸೋನಿಯಾ ಗಾಂಧಿ, ಕೇಂದ್ರ ಸಚಿವ ಅಮಿತ್‌ ಶಾ ಸೇರಿ ಅನೇಕ ರಾಷ್ಟ್ರ ನಾಯಕರಿಗೆ ಆಮಂತ್ರಣ ನೀಡಿರುವುದಾಗಿ ಹೇಳಿದ್ದಾರೆ.

ಇದನ್ನೂ ಓದಿ:ಹೊನ್ನಳ್ಳಿ ಏತ ನೀರಾವರಿ ಘಟಕದ ಅಸಮರ್ಪಕ ನಿರ್ವಹಣೆ: ಸಚಿವ ಮಾಧುಸ್ವಾಮಿ ಕಿಡಿ