ಟಾಟಾಗೆ ಸಿಕ್ಕಿತು ಭರ್ಜರಿ ಹೂಡಿಕೆ

Team Udayavani, Oct 14, 2021, 5:22 AM IST

ಮುಂಬಯಿ: ಟಾಟಾ ಮೋಟಾರ್ ಸಂಸ್ಥೆಯ ಎಲೆಕ್ಟ್ರಿಕ್‌ ವಾಹನಗಳ ಉದ್ಯಮಕ್ಕೆ ಅಮೆರಿಕ ಮತ್ತು ಅಬುದಾಬಿಯ ಖಾಸಗಿ ಈಕ್ವಿಟಿ ಸಂಸ್ಥೆಗಳಾದ ಟಿಪಿಜಿ ಮತ್ತು ಎಡಿಕ್ಯೂ 7,500 ಕೋಟಿ ರೂ.  ಹೂಡಿಕೆ ಮಾಡಲಿವೆ.

ಹೂಡಿಕೆಗೆ ಬದಲಾಗಿ ಟಾಟಾ ಸಂಸ್ಥೆಯು ಎಲೆಕ್ಟ್ರಿಕ್‌ ವಾಹನಗಳ ಶೇ.11ರಿಂದ ಶೇ.15 ಷೇರನ್ನು ಈ ಸಂಸ್ಥೆಗಳಿಗೆ ಕೊಡಲಿದೆ. ಅಮೆರಿಕದ ಟಿಪಿಜಿ ಸಂಸ್ಥೆಯು ಮುಂದಿನ ಮಾರ್ಚ್‌ ಒಳಗೆ ಅರ್ಧ ಹೂಡಿಕೆ ಮಾಡಲಿದ್ದು, ಇನ್ನರ್ಧವನ್ನು ಮುಂದಿನ ಡಿಸೆಂಬರ್‌ನೊಳಗೆ ಹೂಡಿಕೆ ಮಾಡಲಿದೆ.

ಈ ಹಣವನ್ನು ಟಾಟಾ ಸಂಸ್ಥೆಯು ದೇಶದಲ್ಲಿ ಎಲೆಕ್ಟ್ರಿಕ್‌ ವಾಹನಗಳ ಸಂಖ್ಯೆ ಹೆಚ್ಚಿಸಲು ಹಾಗೂ ಚಾರ್ಜಿಂಗ್‌ ಕೇಂದ್ರ ಮತ್ತು ಬ್ಯಾಟರಿಗಳ ಅಭಿವೃದ್ಧಿಗಾಗಿ ಬಳಸಲಿದೆ.

ಹೂಡಿಕೆ ವಿಚಾರ ಹೊರಬೀಳುತ್ತಿದ್ದಂತೆ ಬಿಎಸ್‌ಇನಲ್ಲಿ ಟಾಟಾ ಮೋಟರ್ಸ್‌ ಷೇರುಗಳ ಬೆಲೆ ಶೇ.20 ಏರಿಕೆಯಾಗಿದೆ.